第六十七章
凌晨1點，若水獨自在床上輾轉反側等待龔燁嘅電話，心諗佢究竟平安到步未呢?大約半個鐘後，床頭櫃上的手機振動了一下，若水立即攞起一望，見到龔燁傳來嘅信息，表示自己已經到左紐約，若水心裡如釋重負，便一時順手地打電話比龔燁，卻突然諗起如果比佢知道自己仲未瞓嘅話，一定會比佢話一餐，正想要快速撳停時，電話卻好死吾死咁接通了，若水一邊係心裡面鬧自己蠢，一邊無奈地接聽電話:“喂，龔燁，你到左美國啦?”龔燁則欲擒故縱地回答: “係啊媽呢空，但係點解你仲未瞓嘅?” 若水有點模稜兩可，糾結左一陣之後，就將自己嘅心底話衝口而出: “咁我就係掛住你所以瞓吾著啊!得吾得啊?你如果要鬧我嘅咁都無辦法架!我就係瞓吾到啊!”龔燁開心地笑著說:“嗯，呢個理由夠曬充分合理，可以接受!但係你洗吾洗講到我咁惡，咁得人驚啊?”若水諗起前晚佢竟然吾理自己，想要小小地報復一下佢，於是扮委屈地說:“你吾單止惡囉，仲要人地咩都聽曬你話，搞到好似要割地賠款咁，我又點可以吾驚啊?哼!吾想睬你啊!”龔燁聽到若水嘅抱怨，笑左一陣後認真地回答:“媽呢空，你真係好可愛啊，但係我呢排之所以對你咁嚴，監住你食飯瞓覺，除左嬲之外，都係吾想你臉色咁差啫，畢竟身體最重要，係呢，你今日翻工點啊?有無乖乖地食薇姐煮嘅飯啊?”若水明白到龔燁嘅苦心，說話嘅聲線亦溫柔起來:“嗯，我知架啦，今日翻工無咩特別，都係咁啦，不過我翻到屋企就見到薇姐整好係枱面嘅餸，真係好食又啱胃口啊!” 龔燁知道若水有好好食飯，自己亦放心左D，見依家時間吾早，便說:“好啦，既然你都聽到我把聲，咁就快D瞓啦!” 若水在另一端點著頭說:“係啦長氣，咁我依家收線啦。” 而龔燁最後亦不忙調戲若水說:“媽呢空，講多樣野比你知啊，如果有咁好嘅機會我都吾連本帶利收拾你，咁我就真係一個吾合格嘅商人啊!收線先啦，Byebye!” 若水見佢真係收左線，便攞住手機打開有龔燁嘅相片，自言自語地對住佢鬧:“你隻死賤精啊!每次都搞到我咁吾安樂，仲要cut我線咁無風度，有本事嘅你就吾好翻黎，吾係你就知死，死蕉連皮啦你!”鬧完之後，可能係因為順翻條氣，亦可能係因為吾洗再擔心，所以若水好快便進入夢鄉。
日子好快就過左兩日，由於香港的時間比紐約快12個鐘，所以兩個人只好把握lunch time同夜晚嘅時間傾計，坐係一旁嘅Elim有陣時無意中聽到佢地之間嘅噓寒問暖，便會自動地坐遠，廢是飽到連飯都食吾落。另一方面，Amy同龔友亦都已經抵達香港機場，準備由私人司機接送翻去九肚山嘅豪宅。

第六十八章
Amy同龔友翻到九肚山嘅豪宅之後，傭人們都幫手整理行李，唯獨是吾見到平日最得力嘅薇姐，一問之下，先知道呢兩個星期薇姐都會去龔燁嘅屋企打掃煮飯，Amy覺得好奇怪，自己個仔明明吾係香港，點解要煮飯呢?莫非…?於是Amy決定聽日自己去一探究竟。
第二日下午，Amy穿著低調地去到龔燁嘅屋企，一入門口就見到年糕，然後再行到浴室，就見到有兩隻牙刷同幾條髮圈，Amy大概估到，龔燁不單止真係有女朋友，更可能甚至已經同居啦，Amy感嘆自己個仔總算長大了，終於識搵個伴照顧自己。對於未來龔燁嘅另一半，佢地兩公婆都無要求過一定要大富大貴，錢財嘅野係身外物，死左都帶吾走，而且佢地從細就努力栽培龔燁，所以對自己個仔係有信心嘅，亦相信佢吾需要會靠聯姻呢種手段去管理公司，因此，只要個女仔係真心愛龔燁，對佢好，會孝順尊重佢地兩公婆，就已經足夠了。依家襯住龔燁吾係香港，Amy決定，要親自去考驗一下佢女朋友，睇下佢嘅真面目。日子又過去一天，Amy換上了傭人嘅打扮，變身成薇姐在家等待若水，所以當若水收工翻到屋企時，見到有其他人係度，免不了有D驚訝，Amy見狀便先開口表明自己嘅身份: “呢位小姐你好啊，我係少爺叫過黎服侍你嘅，我叫薇姐，係呢，吾知我應該點稱呼你呢?” 若水記得龔燁的確有叫人過黎打掃煮飯，個名又係叫薇姐，於是表示抱歉地說:“啱啱真係吾好意思啊，我吾知到你就係薇姐，係啦，等我自我介紹下先，我叫做熊若水，Mary，真係辛苦曬你呢幾日過黎汁屋煮飯啊!等我每日收工翻黎都可以即刻食飯。”之後Amy接著說:“熊小姐你過獎啦，呢D係我嘅份內事，你依家坐一陣先，我去裝杯水比你，好快就可以開飯啦。”當Amy入左廚房之後，若水係度諗，平時收工後除左見到枱面上嘅餸，都吾會見到薇姐，點解今日佢會係度嘅?於是若水接過水後，便問:“係呢薇姐，點解你今日咁晏都仲係度嘅?” Amy思考左一陣，然後說: “哦，係咁嘅熊小姐，老爺同夫人今日翻左黎香港，所以我咪要先翻大宅幫手囉，而且未來戈幾日可能都會咁，希望你吾好見怪?” 若水聽到龔燁嘅父母已經翻左黎香港，一時之間呆左，於是Amy繼續說:“熊小姐?熊小姐?你無事啊嘛?係吾係我講錯左D咩啊?”若水回過神來，搖頭說: “無，我無事啊薇姐，只係翻工有D攰啫。”Amy之後說:“熊小姐，咁我依家去拎餸開飯啦。” 若水見Amy一個老人家忙左成日，便說:“薇姐，不如等我黎幫你啊，反正我都吾習慣比人服侍嘅。” Amy又說: “咁點得呢?都係等我黎攞，熊小姐你坐低啦。” 若水微笑著說: “薇姐，多個人多雙手，我地都係一起拎啦。” 飯餸上枱後，若水見Amy站在一旁望住自己食飯，便說:“薇姐，不如你坐低一齊食啦，其實咁多餸我一個人都食吾曬，黎啦。” Amy低著頭說:“吾得吾得，我地D下人邊可以同主人同枱食飯呢?熊小姐你食就得啦。”若水一手拉住Amy坐低，微笑著說: “咁呢到淨係得我同你兩個，你吾講我吾講，邊有人知啊，食啦!”於是，兩個女人就一齊食飯，若水見Amy無咩點夾餸，便自動地夾比佢。食完飯Amy要離開嘅時候，若水同佢講: “薇姐，如果你係世伯伯母戈邊已經做到攰嘅，就吾洗特登過黎啦，至於龔燁，我會再同佢講吾關你事架。” Amy吾想失去呢個咁好嘅機會了解若水，便急忙地說: “熊小姐，你吾好睇我咁啊，其實我好做得野架，你千期吾好同少爺講啊!”若水見狀，安慰地道: “薇姐，我…我吾係咁嘅意思，好啦，我吾會同龔燁講架，不過你以後吾好趕黎趕去，D野慢慢黎就得啦，仲有，其實你吾需要成日叫我熊小姐架，你可以叫我阿水，咁樣大家都會相處得舒服D。” Amy點著頭說: “多謝你吾嫌我老啊熊小姐，啊!吾係，係阿水!睇下我啊真係，咁我聽日再過黎啦，Byebye!”
食過飯後，若水就準備去攞衫沖涼，打開衣櫃時，就見到屬於龔燁嘅恤衫，諗起先前薇姐講龔燁嘅父母已經係香港，若水心裡面就有D驚同緊張，而龔燁依家又吾係自己身邊，都無辦法攬住佢舒緩一下情緒，所以若水攞左佢嘅恤衫當成睡衣黎著，因為上面有屬於龔燁嘅味道，可以令佢覺得安心D。另一邊廂，翻到九肚山大宅嘅Amy正在同龔友報告今日嘅觀察所得，Amy開心地說: “老公，我今日見到個仔嘅女朋友啦!她嘅身材幾好，不過就好似瘦左D，而且待人親切，無大小姐脾氣，都算吾錯嘅。” 龔友輕拍著她的手，微笑著說:“咁睇黎佢比你嘅第一印象吾錯喎!不過，其實個仔都話遲D就帶比你睇啦，你洗吾洗咁心急啊?不如你比D空間佢地，聽日就吾好再去啦?” Amy不依地說: “吾得，話曬係關於個仔嘅終身幸福喎，我梗係要再睇清楚D啦，所以我聽日一定會去架!” 龔友只好無奈地搖頭，由得自己老婆繼續胡鬧。

第六十九章
這兩天，若水同之前一樣過得十分規律，朝早翻工，夜晚同Amy一齊食飯，兩人相處融洽，但當接聽到龔燁嘅電話時，若水總係吾知點問龔燁知吾知道佢父母已經翻左香港一事，因為自己真係吾想比壓力佢。Amy有次撞見佢地用電話傾計，但若水個樣卻心事重重，於是Amy一邊擦拭著飯枱，一邊試探地問:“阿水，其實你係吾係有心事啊?你依家嘅臉色有D差喎。”若水沉沒在自我思考中，並無任何回應，Amy便繼續說:“唉，我知道我呢D老太婆係無資格過問架啦，都係我多嘴!” 若水聽到後拉著Amy讓她坐下，然後趕緊回答:“吾係啊薇姐，我只係……係呢，你服侍左世伯伯母咁耐，其實佢地係點架?你不如話比我聽下啊薇姐?” Amy看見她焦慮嘅眼神，便說: “老爺同夫人人品幾好啊，對我地呢D下人都吾錯，算係幾寬容，唯獨是對少爺就一向都好嚴格。” 若水聽到之後，心裡面更加緊張，佢地對龔燁都咁嚴，咁自己咪…?於是許久後只能弱弱地回了“嗯”一句，Amy見狀便說: “阿水，其實你吾洗咁擔心喎，話曬你都係少爺親自挑選嘅女朋友，老爺同夫人一定會鍾意嘅。” 若水有D無奈地回答:“薇姐，我只係對我自己無信心，你睇下我，咁平凡，而龔燁又咁好，世伯伯母可能會覺得我高攀吾起佢個仔啊。” Amy聽完之後笑著說: “阿水，你嘅五官同身材都吾錯，靚過出面好多女仔啊，仲有，你都未見過老爺同夫人，咁就吾好咁快下結論，你應該要比D信心比自己啊!” 若水之後又繼續說: “薇姐，我之所以咁緊張，係因為龔燁對我黎講，係一個好特別，好重要嘅存在，當我每次遇到難關嘅時候，佢都會第一時間黎幫我，所以同樣地，我都吾希望因為我，令到佢同自己屋企人嘈交啊。” Amy明白若水嘅苦心，然後說: “阿水，薇姐我的確吾知少爺係因為咩原因而揀你，但係我相信你一定有自己獨特嘅亮點，只係你自己吾知啫，至於老爺同夫人，我相信佢地一定都會鍾意你嘅，薇姐自己都後生過，我只可以講，如果有咩吾明嘅地方，最好嘅方法就係直接問清楚，廢是大家互相猜測，一陣會錯意就吾好啦。” 若水聽完之後，點了點頭表示知道。
沖完涼後，若水睇左一下時間，便鼓起勇氣打電話比龔燁，電話好快就接通了，龔燁首先笑住開口問:“喂，媽呢空?我啱啱先係你食飯之前打左電話比你咋喎，咁快又掛住我啦?” 若水停頓左一下，然後認真說:“龔燁，其實…其實係咁嘅，我有D野想即刻問你啊，你依家方吾方便答我啊? ”龔燁覺得若水肯主動地問自己，真係難能可貴，便說: “OK啊媽呢空，有野你就講啦，我依家聽緊。” 若水開口說: “龔燁，你知吾知道你父母已經翻左黎香港啊? ”一直在忙嘅龔燁終於想起呢件事，然後回答: “媽呢空，其實我前幾日聽我阿媽提起過，不過我之前吾記得同你講，Sorry啊，你吾洗擔心，亦都吾好驚，有咩事都等我翻黎處理就得啦，知道未啊?” 若水支支吾吾地回答:“但係…? 但係” 龔燁知道若水好緊張，便說: “媽呢空乖，聽我話就得啦，你都吾知，我戈日同阿媽提起過你，然後講之後再約出黎見面食飯時，佢不知幾開心，所以你吾好再擔心啦，好嗎?依家香港戈邊時間吾早啦，你聽話，早D瞓啦，乖。”若水聽完龔燁嘅寬慰，心裡亦明白呢件事總有一日要處理，但依家佢願意同自己一齊面對，便感動地說:“嗯，我明架啦，多謝你啊龔燁，我信你。”收線之後，若水穿著他的恤衫，躺在他平日睡覺的位置，堅定地同自己講，無論發生咩事，自己都會同龔燁一齊解決，而另一邊廂嘅龔燁，亦加快處理公務嘅速度，想再快D翻香港陪若水。

第七十章
不經不覺間，龔燁同若水已經10日無見到對方，但就係琴晚，龔燁告訴若水佢過多兩日就會翻黎，而且亦都約好左見面嘅時間，若水雖然口頭上答應了，但卻成晚都無瞓好。今日晏晝食lunch時，若水接到樹根嘅電話叫佢今晚翻屋企食飯，所以放工之後，若水就同樹仁一齊回家。樹根見到只有若水一個人，於是便問起龔燁嘅近況，若水怕佢誤會，便解釋龔燁係出左trip，所以先無陪自己上黎，而且為左自己身體著想，仲叫左傭人黎照顧自己，此時，若水先至想起薇姐仲係龔燁屋企等自己，但自己手上又無佢電話號碼，因此只好匆匆食完飯揸車翻去。與此同時，Amy亦在等待若水，由於呢幾日以黎佢都好準時翻到，所以Amy係度諗若水會吾會出左事呢?正想打電話叫龔燁了解下，若水剛好趕到並說:“薇姐……Sorry啊，我今日…今日臨時收到我阿爸嘅電話，叫我…我翻去食飯，但又吾記得同龔燁講叫你吾好等我，真係吾好意思啊!” Amy見若水平安歸來，然後又上氣不接下氣地解釋，覺得佢雖然有D冒失，但亦不失可愛，便笑著說: “阿水，其實你翻黎就得架啦，下次就吾好趕啦，我地D下人一早就習慣左晏D先食飯，所以無所謂架。” 若水望向枱面上未郁過嘅餸菜，便輕輕地推住Amy埋枱坐低，讓她先食飯，但過左一陣，客廳上嘅燈突然間眨下眨下，之後更熄左，當Amy正想起身換燈膽時，若水打開了手機上嘅手電筒，按停了Amy嘅動作，同佢講自己黎換就得啦，Amy依然不斷地說自己可以，但若水繼續話自己夠高比較方便，帶上隔熱手套關掉電源按鈕後便攞櫈企左上去換，在下方嘅Amy則扶住若水雙腿，一抬頭時眼睛卻對上了她的臀部，見到該部分渾圓堅挺，便順手摸了一下，心諗都算幾有彈性，睇黎以後抱孫吾難!而若水則專注手上嘅動作，無感覺到自己已經比人“抽水”。
換完燈食完飯後，若水見到啱啱洗完碗嘅Amy用手按住自己條腰，但有D地方就一直都就按吾到，於是若水就入房係自己個袋度攞左金剛門嘅跌打酒出黎幫佢按一陣，Amy嘴上一直話吾洗，但若水就無理到繼續按摩，Amy見狀便說:“阿水，你真係好啊，既吾嫌棄我呢D無用嘅老人家，又肯幫我捽藥酒，手勢仲咁好，遲D老爺同夫人有你呢個咁好嘅新抱，就真係有福氣啊!” 若水苦笑著說:“但係我家境一般，係事業上無辦法幫到龔燁，對佢無咩好處。” Amy轉過身來，輕拍著她的手安撫道: “阿水，你咁諗就吾啱啦，好處嘅野吾可以淨係睇表面，兩個人互相包容，相處和洽，識得孝順長輩，先係最重要啊，至於其他嘅，不過係錦上添花啫!” 若水接著問: “但係，我…我真係吾知道世伯伯母會吾會見到我對龔燁嘅真心，或者佢地可能會從一開始就吾接受我呢?咁樣我應該點算啊?我真係吾想同龔燁分手啊!”見到若水嘅眼淚快要落下，Amy讓她輕輕地靠著自己，然後說: “阿水，你都未見過老爺同夫人，就吾好亂咁諗啦，你又靚又乖，對我呢個下人都咁好，話吾定佢地好滿意呢?無論點都好，你要記住，日久見人心，呢句說話雖然好老土，但卻係最真實嘅道理，所以你要比D信心自己，知道嘛?” 若水索了一下鼻子說: “薇姐，多謝你安慰我啊，我明架啦。”而 Amy則輕拍著她的背說: “咁就好啦，真係聽話嘅姐。”

第七十一章
兩日後嘅深夜，龔燁疲倦地拖著行李回家，一入到門口，就見到若水躺在沙發上，手裡還抱著年糕，一人一貓正瞓得香甜，見到呢個畫面，龔燁心諗，呢個傻妹好傻，明明叫左佢吾好等自己早D休息，但佢依然吾聽，雖然如此，在龔燁心裡同時亦泛起一陣溫暖，原來有人會擔心自己，等自己嘅感覺係咁美好。龔燁無奈地搖著頭走到沙發旁，輕輕移開若水嘅手，先將年糕放翻係佢平日瞓覺嘅軟毯上，之後再一把抱起若水翻房，放在床上並冚好被。
沖完涼後，龔燁也走上了床，自己由於放心不下她，便選擇了加班來盡快完成工作，現在看到熟睡在身旁嘅若水，就覺得十分踏實安詳。龔燁悄悄地低下了頭，吻著她的額頭，眼睛，鼻尖，臉頰，最後再落到如初生嬰兒般的軟唇，若水感受到面前溫熱的呼吸，便艱難地擊退著睡意，用力地掙開雙眼，見到係自己朝思暮想多日嘅龔燁，若水忍吾住心中的激動，直接攬實佢吾放，口中自言自語地問:“我…我係吾係發緊夢啊?定係你真係翻左黎啦，龔燁?” 龔燁聽到之後，輕輕地笑著回答: “媽呢空，你吾係發緊夢啊，依家仲攬到我咁實，我就黎抖吾到氣啦!” 若水稍稍放開雙手，兩人之間四目交投，互相觀察，龔燁撫摸著她的頭髮說: “媽呢空，你呢十幾日有無掛住我啊?仲有，有無乖乖聽話啊?” 若水眼眶濕潤，點著頭說:“有啊，我有乖乖聽話架，我好掛住你啊，龔燁。” 龔燁十分滿意她的回答，但卻捉弄若水說: “但係點解我抱你翻入黎嘅時候吾覺得你有重左嘅，你係吾係又呃我架?” 若水急著解釋說: “龔燁，我真係有乖乖地食飯架，但係吾知點解就係無咩點重過……”之後看著他懷疑嘅眼神，更急得哭出來，“一日最衰都係你啊!咁人地掛住你啊嘛，咪有D瞓吾好囉，你仲咁樣望住我，我以後都吾理你啊!死賤精!”講完之後，若水便想伸手推開龔燁，但龔燁卻捉實佢雙手放入懷中，抱緊她說:“Sorry啊媽呢空，你吾好嬲啦，我無吾信你啊，我只係諗住同你玩下架咋，乖啦，你吾好喊啦。” 若水鬆了一口氣，但依然哭著鬧龔燁死賤精，於是龔燁一手擦去她的淚水，並堅定地以吻封唇，以無限的柔情和痛惜，打開她的齒門，舌尖探進她因哭泣而苦澀的深處，慢慢地緩解著她心裡的委屈，兩人都在延長加深這個吻，直到雙方都難以呼吸，才依依不捨地分開。龔燁撫摸著若水的臉，然後雙手交疊囊括著她說:“媽呢空，合埋眼瞓啦，我就係你身邊同你一齊。”若水靠進他的臂彎，枕在他的胸膛，感受著這溫暖的懷抱，貪戀其中，最後二人皆安心入睡。

第七十二章
龔燁回來一日之後，時間到左星期六嘅早上，由於今晚係若水第一次見龔燁嘅父母，所以難免有D焦慮，便早早醒來在龔燁懷中發呆。枱上嘅鬧鐘如常響起，龔燁連忙伸手按停，卻看見若水已經清醒，但雙目無神，於是龔燁抬起身，在若水額頭落下一吻，然後說:“早晨啊媽呢空，你係吾係瞓得吾好啊，咁早醒嘅?” 若水搖搖頭否認。至此，龔燁大概估到，若水應該係為左今晚見家長食飯嘅事而擔憂，所以龔燁輕撫著她的背說:“媽呢空，如果你真係未ready好嘅，不如我同阿爸阿媽講我地遲D再去見佢地啊?” 若水明白龔燁對佢嘅體貼，但她再次搖頭，認真堅定地望著他說: “龔燁，講真啊，我的確係有D擔心，但同時，我亦都明白，呢件事避係避吾到架，你咁叻，對我又咁好，其實我好應該一早就同你一齊去拜訪世伯伯母，多謝佢地，但之前只係因為佢地吾係香港，先至無機會啫。而且無論今晚會發生咩事，我相信你都會陪我去面對，咁我點解仲要閃閃縮縮呢?我仲記得你第一次上我屋企時，比我家姐咁話你，你都無放棄過我啦，所以依家我亦都會一樣，絕對吾會放棄你。” 龔燁聽到若水話吾會放棄自己時，心中十分動容，兩人過左咁耐，經歷左咁多事之後，若水終於願意完全信任自己，於是龔燁吻上她的臉頰，然後說:“媽呢空，你竟然真係諗通左，肯相信我，你真係好叻啊!咁依家我地起身食早餐先，我再車你翻工，之後我今晚再黎接你一齊去九肚山嘅大宅?” 若水點了點頭後，兩人便一同起床。經過了一番梳洗，若水換上了龔燁買比佢嘅白色長裙，簡單得黎卻高貴大方，同時，她亦換上了舒適嘅平底鞋，希望佢地可以並列而行，在外形上更加合襯。而龔燁係送左若水翻工之後，卻沒有同平時一樣翻自己公司，反而係按照自己一早plan好嘅計劃，翻屋企親自布置，準備再次向若水求婚。
收工時份，龔燁去接若水嘅時候，見到佢手上攞住兩個大籃，便趕緊上前幫手拎，兩個大籃一個係放水果，而另一個則係放健康小食，一睇就知道佢係花左心思去揀選，所以揸緊車嘅同時，龔燁單手拖住若水說:“媽呢空，多謝你咁細心，準備左咁多野啊。”若水微笑，回握著他的手說:“你係吾係傻佬黎架，你係我嘅男朋友，對你好，尊重你父母，呢D都係我應該要做架!”不久之後，兩人去到了九肚山嘅大宅，在進入之前，龔燁對住若水講:“媽呢空，你放鬆D就得架啦，記住，萬大事仲有我幫你撐住。” 若水點頭表示明白，然後龔燁按下了門鈴。

第七十三章
剛入到門口，就有傭人上前想要幫忙從龔燁手上攞過兩個果籃，但係龔燁沒有沒有遞過，並開口說: “薇姐，你平日打理大宅辛苦啦，而且我都仲未多謝你呢十幾日以黎都去我屋企幫手打掃煮飯，所以呢D小事我自己黎得啦。”真正嘅薇姐由於應承左Amy吾會將佢假扮自己嘅事講出去，所以只好尷尬地低著頭說: “係嘅少爺，老爺同夫人係客廳等緊你同熊小姐，不如你地入去先講?” 若水一邊換拖鞋，一邊覺得好奇怪，先兩日無見，點解薇姐吾同左樣嘅?自己無可能連人地個樣都記錯架?正當佢係度回憶緊嘅時候，龔燁同身旁嘅若水講:“媽呢空，我地行啦。” 若水雖然感到疑惑，但係佢打算之後先至再問，於是就翹住龔燁嘅手臂入內。
一去到客廳，龔燁首先開口同自己父母打招呼，而若水亦微微俯身行禮，正經地向Amy和龔友問好並介紹自己: “世伯伯母，你地好啊，我叫熊若水，Mary。呢兩個果籃係我嘅小小心意，希望係地鍾意。” Amy見到若水有D緊張，便忍著笑上前扶起佢說:“阿水啊，你真係有心啦，係呢，吾知你仲認吾認得我呢個老太婆呢?”由於剛才嘅距離有D遠，所以若水並沒有睇清Amy和龔友嘅面目，依家抬頭一看，呢個咪係…? 若水有D驚訝，捉住Amy嘅手問: “你…你咪係薇姐?點解…點解你會…?” 龔燁聽到一頭霧水，便再向若水介紹一次: “媽呢空，佢地係我阿爸阿媽，而啱啱係門口迎接我地嘅先係薇姐。”經過龔燁嘅解釋，若水才明白原來呢排日日同自己食晚飯，傾計嘅人正正係龔燁母親，而非其他人，Amy亦輕撫她的手，接著說:“阿水，其實auntie本身係想了解下你，所以至扮成薇姐，打算同你傾下計，但係你之後一直都對我好好，又肯陪我食飯，搞到我日日都想過去搵你，你知架啦，我呢個衰仔工作咁忙，邊得閒陪我啊，都係你最乖，又會掛住我未食飯趕翻黎陪我。”之後Amy又啤住龔燁說: “唉，呢個仲話係我親生喎!有陣時連電話都要我自己打過去，真係心都淡啊!” 龔友望向若水，微笑著說:“阿水你好啊，希望你吾好怪我老婆唐突，只係龔燁佢從未帶過女仔翻黎比我地睇，你auntie心急咋，仲有，佢地兩母子經常都係咁鬥嘴，你吾好見怪，放鬆D當係自己屋企就得啦。” 若水笑著搖頭說: “吾會吾會，多謝世伯伯母你地對我咁nice啊，而且之前伯母仲一直默默咁鼓勵我，應該係我感激佢就真。”當龔燁正想向Amy解釋之前無打電話件事時，佢已經拖住若水去飯枱，只留下兩父子無奈地從後跟上。
食飯嘅時候，Amy一直夾餸比若水，同佢講: “阿水，你太瘦啦，要食多D補下先得架，黎，食D魚啊，又有營養對皮膚又好。” 若水笑著接過，然後說:“吾該曬你啊伯母，咁你都要食多D啊。”而一旁嘅龔燁則說: “阿媽，話曬我都係你親生架，點解你咁偏心媽呢空嘅?”Amy無好氣地說: “阿水咁乖，我梗係錫佢啦，至於你啊，等我再睇下點先啦。”口裡說不，但Amy依然夾左龔燁最鍾意食嘅蝦比佢，於是龔燁立即討好地笑著說:“吾該阿媽。”一餐飯便在溫馨嘅氛圍下進行。直到食完飯後水果，龔燁便同龔友一齊入左書房，商量一下係美國嘅業務問題，而Amy則同若水去左客廳傾計，Amy首先開口說: “阿水，聽伯母講係吾係無錯啊?只要比D信心自己，你一定無問題嘅。” 若水點頭說:“多謝世伯伯母你地肯接受我，同意我同龔燁係埋一齊啊，而且，龔燁佢真係一個好好嘅男朋友。”而Amy則接著說: “阿水，話吾定係伯母我要多謝你就真啦，以前我個仔好少𠱁人架，但係同你一齊之後，今日翻黎食飯都多左笑容。” 若水安慰著說: “伯母，其實龔燁佢對我都咁好，所以佢心裡面一定都係好錫你地架，你千期吾好咁諗啊。” Amy感到恩慰，捉住若水嘅手說: “阿水，我自己個仔我知架，如果有陣時佢做野忙忽略左你，我希望你吾好怪佢，佢咁辛苦，都係因為我地自私，退休得早。” 若水回握著她說: “伯母，我自己都係上班一族，所以我明白龔燁嘅苦衷，你亦都吾需要太過擔心，我真係明架。” Amy聽到佢回答，笑著說:“阿水你真係好，如果我都有個好似你咁嘅女就好啦，係呢，你屋企有D咩人啊?” 若水回答說: “我有阿爸，阿叔，家姐，阿妹，仲有個姨甥同隻狗啤啤，而我阿媽，佢…佢係10年前就走左啦。” Amy雖然無意冒犯，但依然抱歉地說: “Sorry啊，阿水，伯母我吾係有心架，希望你吾好介意。” 若水淡淡地笑著說: “我無事架伯母，呢件事係事實，所以我識得面對架。” Amy抱住若水，撫著她的頭道: “ 阿水你咁乖又有孝心，如果你吾介意，伯母我一定會當你好像自己個女一樣咁錫你架。” 若水感激地道: “多謝你啊，伯母。”

第七十四章
大約到晚上9點半，龔燁同龔友商討完畢，Amy見時間吾早，便讓龔燁帶若水翻去早D休息，但同時亦叫兩人多D過黎食飯見面，若水見Amy咁熱情，亦點著頭答應。上車之後，龔燁微笑著開口說:“媽呢空，我都話阿爸阿媽一定會認同我嘅眼光架啦，等你之前仲一直係度擔心，依家係吾係覺得好多餘呢?” 若水心情放鬆地道: “龔燁，世伯伯母佢地對我真係好友善啊，同我以前想像中嘅一D都吾同。” 龔燁於是得寸進尺地說:“媽呢空，既然阿爸阿媽對你咁好，咁你係吾係應該要回報翻係佢地個仔，即係我嘅身上呢?我一定會好期待你嘅表現架!” 若水望向龔燁，見到佢一副嬉皮笑臉的模樣，便伸手扯著他的耳朵說: “好啊!我一定會好好報答你架，死賤精!” 龔燁捉住她作亂的手，然後說:“媽呢空，你咁快就露出嘅真面目，對我咁暴力啦?” 若水繼續說:“我係咁架啦，咁你仲要吾要我啊?” 龔燁轉而拖住若水的手，與她十指緊扣地說: “只要你願意，我要你。”
翻到屋企，當若水要開燈時，龔燁卻拖著她的手走到客廳中央，按下了燈掣，然後便看到地下嘅電子蠟燭被鋪排成心形，而牆壁和落下的窗簾上則佈滿了星星形狀嘅吊燈，若水正在細心觀望的時候，龔燁卻一把抱起她到沙發上並坐，攞出藏在抱枕後嘅相冊遞比若水說:“媽呢空，我地一齊黎睇，屬於我地之間嘅回憶啊?” 若水點了點頭，打開了第一頁，第一張相，係飛機上龔燁主動調位，自己吾小心瞓係佢膊頭度嘅合照，記得當時比個醉酒佬騷擾，係龔燁挺身而出救左佢。第二張，係兩菜一麵嘅照片，戈次係自己第一次煮飯比佢食，有白菜豬肉鍋，清炒蝦仁同素麵。之後係自己發緊高燒，滿臉透紅，額頭上仲有冰袋嘅沉睡照，自己捱吾住病左，龔燁照顧足自己一整日，亦都係戈日，佢堅定地要自己留係佢身邊，令兩個人有開始嘅機會。而海邊的合照，係一個月記念日，雖然自己呃佢跌親無事，佢好嬲，但依然仔細地幫自己洗傷口。然後滑雪場則係第一次旅行，可以將自己完整地交付比體貼嘅龔燁，是一種榮幸，直到差D比唐景越非禮，鬧上警署，龔燁係被自己單方面分手的情況下，都願意相信自己，出手搵證據保護自己。下一張則係兩個人係醫院切蛋糕的合照，發生車禍後龔燁對自己嘅擔心，歷歷在目。之後嘅每張相都係佢地之間重要嘅回憶，情人節嘅安慰，到前幾個月嘅求婚失敗，接落黎嘅冷戰，阿爸入院，見佢父母時嘅緊張，原來，係不經不覺間，佢地一齊攜手面對左好多人，好多事，雖然過程中有痛苦嘅時候，但係此時此刻，龔燁依然陪伴著她，無離開過，而到最後一頁，則滿佈了多張自己瞓著時，龔燁為她帶上戒指，牽著她的手微笑嘅畫面。龔燁慢慢地從沙發旁攞出代表著忠貞，一心一意的11朵粉紅色月季花花束在她面前單膝跪下，再從衫袋中攞出Couture系列，以鑽石緞帶環繞中央巨鑽，象徵呵護如一嘅全新求婚戒指，認真地對早已淚流滿面嘅若水說: “媽呢空，我再一次地問你，你願吾願意嫁比我啊? 無論以後再發生咩事，我都會盡全力保護你，愛錫你，成為你今生最大嘅依靠，同你建立一個完全屬於我地嘅家，上一次求婚，你可能會覺得我地之間仲有好多問題，但事實證明，我地係可以一齊勇敢地面對架，所以我真係吾想再等，再浪費同你渡過嘅每一分，每一秒，而且我臨去美國之前，你亦都講過你會考慮，所以你可吾可以應承我，嫁比我啊?” 若水將相冊放在旁邊後，便立即向前攬住龔燁，點著頭撲入他的懷抱，聲線沙啞地說: “龔燁…龔燁，我願意…我願意嫁比你。” 龔燁聽到若水嘅答覆，但卻說:“媽呢空，點解我聽吾到你講咩嘅?” 若水於是再一次回答:“我係話，我願意嫁比你啊。”龔燁笑著在她耳邊說:“媽呢空，不如你再講大聲D啊?”若水抬手拍向龔燁胸口，然後大聲說:“我願意，嫁比你呢隻死賤精!” 龔燁先輕輕放下了花束，然後托起若水的下巴，親吻著她的唇，交換著彼此的呼吸氣息，良久，一吻結束，龔燁捉起她的手，將戒指緩緩套上並說: “熊若水小姐，從依家開始，你永遠都係屬於我龔燁架啦。” 若水點了點頭後，龔燁又在她手上深深一吻，抱著她坐回到沙發。

Ch75
链接：网页链接 提取码：v6ut
Ch66,76-77
链接：网页链接 提取码：aj66

第七十八章
翌日收工之後，兩人便回到若水嘅公寓汁拾物品，當龔燁想入佢房間幫手時，卻被她“邀請”先到客廳坐住等佢，龔燁見佢神神袐袐的樣子，只好假裝答應，打算一陣再暗地裡觀察，而此時若水正在衣櫃面前發愁，雖然近呢兩三年因為要供樓供車，係買衫同買袋方面有所收斂，但係依然都仲有好多，所以都吾知點揀好，因此，若水先從必須要穿嘅內衣開始汁起，過左一段時間，之前叫定嘅外賣到左，於是龔燁就去嗌若水食飯，順便睇下佢究竟搞成點，一入到去，就見到床上擺放左幾件睡衣同已經汁好嘅內衣，若水見狀立即用被遮住，大聲地問:“你…你吾係出面等嘅咩?做咩隨便入黎啊，我……你同我出去啊!”講完之後，若水將自己塊臉都一齊埋係床上，門口嘅龔燁一邊偷笑，一邊行去佢身旁，扶起佢塊臉說: “My fiancée，其實我入黎只係想叫你食飯咋，仲有，你同我都吾止一次肉帛相見啦，你洗吾洗咁怕醜啊?” 若水睇到龔燁一臉得戚，就用力摙佢嘅手臂，但係佢D肌肉太硬，到最後就只係自己覺得手痛，龔燁比若水發洩完後，就拖住佢準備去客廳食飯，但轉眼就見到房嘅牆上照左一張當紅男團嘅Poster，然後便向若水質問:“媽呢空，請問你間房點解會有呢D咁嘅野呢?” 若水眼睛一亮，發出姨母笑地看著Poster回答說:“咩呢D咁嘅野啊?佢地係Super Sunior黎架!你知吾知佢地有幾heat啊?呢張Poster我好辛苦先攞到架!” 龔燁則一臉不爽地想將它扯下來，但若水卻擋在它面前說: “龔燁，你做咩啊?佢地又無得罪你，你吾可以咁做啊!” 龔燁繼續問若水: “媽呢空，咁你鍾意我定係佢地多D啊?” “Hmm……”若水思考左一陣，討好地回答: “龔燁，你點可以用黎同佢地比較呢?兩者性質都吾同，而且你書房夠有成個櫃咁多嘅figure啦，咁你要我定係要佢地啊?” 龔燁沒有回答這個問題，只是嘟嘴說: “媽呢空，我剩係吾要佢地出現係我屋企，咁我就當吾知道，哼!” 若水見到Poster保得住，便開心地說: “OKOK，我保證佢地淨係會留係我度，廢是去左你屋企之後就比你攞黎墊枱…”說話都未講完，若水已經被龔燁鎖在懷中狠狠地吻著，好像要吞掉她所有的呼吸，直到若水快要窒息，禁錮著她的力量才鬆開，讓她重拾自由，然後再帶住佢出去食飯，而若水則暗自在心裡說，呢個人真係好小氣囉!此時，龔燁卻突然停低轉身，微笑地在她耳邊說:“媽呢空，啱啱咁多套裡面，我最鍾意中間白色蕾絲戈款，你不如下次著比我睇啊?” 若水聽到之後迅速臉紅，在反應過來後拍打著他的背道:“你隻死賤精啊!成日淨係識玩我，你信吾信我真係要你食蕉連皮啊!”而龔燁仿若未聞，只係笑住繼續拖實佢去食飯。

第八十章
接落黎幾日，種種情況更係變本加厲，若水朝早走嘅時間更早，早餐剩係放係枱面，再加上一張紙條寫住叫自己記得食，到晚飯時，打比若水嘅電話愈黎愈多，佢同下屬說話嘅語氣亦愈黎愈重，有陣時更忍吾住開火直接鬧人，而夜晚嘅工作時間亦逐漸加長，見到佢咁辛苦，龔燁今日洗完碗之後，便坐在若水身旁，一邊幫佢按住肩膀，一邊問:“My fiancée，你呢排係吾係好攰啊?我有無野可以幫到你啊? ” 若水暫時停下手上工作，靠著龔燁說: “吾怕，我已經習慣架啦，龔燁你可吾可以借我攬一陣啊? ” 龔燁聽到之後，便將若水抱在懷中，安撫地道: “媽呢空，呢個係永遠只屬於你嘅特權，你想挨幾耐都得，但係你吾好比自己咁大壓力啦，你咁樣只會令自己更加吾辛苦。” 若水點了點頭，默默地休息左5分鐘後，就又再準備開始工作，而龔燁則在她吻著她的額頭說: “媽呢空，我依家去附近嘅gym room健身，如果有咩事，你記得打電話同我講。” 若水表示明白後，龔燁便汁齊野出門，吾打擾佢工作，但之後直至自己翻黎，若水都一心放在工作上，好似完全吾知佢已經翻左屋企一樣。時間又過左幾日，龔燁以為同若水講完之後情況會有好轉，但好似都係差吾多，所以佢決定今晚一定要等到若水上床瞓覺再同傾多次，直到凌晨1點，都係等吾到人，龔燁出到客廳，見到若水已經扒係茶几上瞓著左，但新嘅proposal都仲有一部分未結尾，龔燁覺得心痛，於是就先將若水抱去床上等佢休息，而自己則親自下場幫佢完成，亦係旁邊細心地加重要嘅標注作為建議。次日早上，當若水醒過來時，發現自己竟然瞓係床，但係proposal都未寫完…再望下個鐘，死啦!再吾出門口一定會遲到，係若水心急之下，唯有沖入浴室先刷牙洗臉，咁啱就撞見同時係到換衫嘅龔燁，雖然十分尷尬，但佢只可以扮睇吾到繼續手上嘅動作，完成之後又趕翻入房化妝，此時龔燁卻叫佢食早餐，若水只好回答已經無時間啦，但佢卻一把捉住若水要自己坐低，若水便開始對龔燁發脾氣:“我都話左吾洗啦，你聽吾明啊?我真係趕時間吾係玩架! ”龔燁耐性地回答:“你乖，食左先行啦好吾好，最多我車你啊?你琴日已經好晏先瞓，再吾食D野一陣見暈點算啊? ”若水聽到佢咁講，就估到琴晚一定係佢抱自己去瞓，於是黑著臉說: “哦，吾怪之得我set嘅都鬧鐘無響啦，原來係你熄嘅，你係吾係玩野啊?我今次真係比你累死啦，我依家份野仲未完成，你開心啦?”而龔燁亦將累積左幾日嘅怨氣釋出: “媽呢空，你可吾可以講下道理啊?我係見你攰先想比你瞓多D咋!你自問你呢幾日有無過份左?朝早早走夜晚遲瞓，坐低食飯都仲要攞住部手機，叫你吾好比自己咁大壓力你又當耳邊風，我吾覺得我咁樣做有錯囉!” 若水不甘示弱地說: “呢D係我嘅事都吾關你事，再講啊我就算幾忙都會整早晚餐比你食，我可以做到嘅都盡力去做啦，你點解吾體諒下我呢一排比較忙呢?我依家要走先，我都廢是理你啊!無理取鬧!”若水再沖去客廳搵文件，而龔燁則無好氣地從書房將文件攞出比若水，但她接到後卻狠狠地啤住龔燁，然後氣沖沖地大力關門翻工，一時之間，兩人皆覺得憤怒。

第八十一章
若水急著回到公司後，便打開文件準備開始繼續寫proposal，但之後卻發現proposal已經完成了，而且十分細緻地額外提供了實用嘅分析和建議。此刻，佢終於知道琴晚一定係龔燁幫佢將剩低嘅內容寫完，但自己今朝竟然仲咁惡鬧佢，成件事自己真係做得過份左，反思著最近幾日，自己好似完全忽略左龔燁，但係佢依然好包容自己，朝早趕翻工換衫，有陣時會將睡衣亂放，但係翻到屋企之後，卻總係會見到睡衣好好地掛在浴室，以方便自己換，而晚飯期間自己又的確係機不離手，連碗都係由佢洗，兩人之間少得可憐嘅交流，亦都係龔燁從旁安慰和鼓勵，依家更連文件都幫自己做埋，若水好後悔自己早上嘅所作所為，點解要將近期的壓力發洩係最關心自己嘅人身上呢?正當她在懊惱之際，Elim卻攞住三文治和熱檸水黎搵佢，然後靜靜地同若水講: “喂，你發緊咩夢啊?你未婚夫一早叫我幫手買份早餐比你，你地無野啊嘛?”由於之前搬遷嘅時候，若水驚公寓嘅金魚無人照顧，而攞去龔燁屋企年糕又吾會放過佢地，所以就將金魚比左Elim，令佢間接知道兩人求婚成功兼同居嘅事，若水呆左一陣，便說:“無，無事，只係我今朝趕住出門口未食野，佢擔心啫，係呢，我依家比翻錢你啊?”但Elim卻奸笑著說:“吾洗啦阿嫂，只要你同你未婚夫以後幫下我搞掂師父，我請你食多多早餐都無所謂啦!” 若水望住呢個小傻瓜，只好無奈地搖搖頭，Elim之後又繼續說: “你好快D食啦， 一陣仲要開會present架!咁我地之後見啦。” 若水聽到後就快速食三文治，然後去開會，過程中佢靠住龔燁精準嘅分析同標注，令大龍生同大小姐都好滿意該計劃，亦放心交比佢繼續follow，經過一個幾星期嘅努力，大部分嘅事總算告一段落，而若水亦都開始諗緊今晚應該要點樣同龔燁溝通一下，好好地Say Sorry表達自己嘅抱歉。但當傍晚若水準備收工時，卻看到龔燁send黎嘅信息，話自己今晚要OT，所以吾翻屋企食飯，若水只好心情低落地翻屋企。
獨自係屋企嘅若水疲倦地攤係沙發上，係度諗龔燁會吾會係嬲左自己，先至講大話要OT黎避開自己呢?如果真係咁應該點做好啊?經過一番思考後，若水決定無論點都好，自己今晚都要同龔燁坐低講清楚，所以無論幾夜，都一定要等到佢翻屋企為止。突然之間，若水覺得有D肚餓，但係又淨係得自己一個食，唯有快手煮個公仔麵自己食，而且順便可以煲個湯比龔燁飲，畢竟佢只係話吾翻黎食飯，但飲啖湯總係可以嘅。

Ch79,82,84
链接：网页链接 提取码：aj66
Ch83
链接：网页链接 提取码：06m6

support 撑场一下

第八十五章
收工時份，龔燁去接若水，之後若水見今日兩個人都得閒，便提議同龔燁一齊去入貨，想佢順便幫手做咕喱拎野，因此他們泊好車去了附近嘅超市。若水正在想今晚要煮野餸，便撒嬌地問旁邊嘅人: “龔燁，你想食D咩啊?幫手諗下啊?” 龔燁見到佢咁cute，於是便笑著在她耳邊回答，但當若水聽完後，就臉色通紅，生氣地推住手推車向前走，而龔燁則在後面跟上，卻見到佢將一疏蕉放左入車，然後又去其他區域買西芹，魷魚，豆腐，豬肉同豆角，應該係用黎準備今晚煮飯，最後一站就係冰櫃，若水望住眼前多種吾同口味嘅雪糕雪條，正在猶疑，龔燁摸著她的頭說: “點啊媽呢空，仲未諗好揀邊隻味啊?” 若水點點頭說: “嗯，好多隻味我都想食啊!士多啤梨同雲呢拿就係經典，一定吾會中伏，但係新出嘅百香果又好似好好食咁，點算啊?” 之後龔燁將三種口味嘅雪糕各攞一盒，便拉住若水去收銀台，若水捉住他說: “喂!你傻左啊?買家庭裝邊可能食得曬啊?” 龔燁望著她回答: “咁你鍾意，咪慢慢食囉，有咩問題啊?” 若水低著頭輕聲說: “但係一陣肥左點算啊?” 龔燁忍吾住笑出聲: “肥D都幾好啊，咁手感咪又好D囉?”若水翻了白眼，已經吾知應該同龔燁講D咩好，於是便自行先去停車場，而龔燁亦攞住一袋二袋跟在後方。直至上到車，若水從袋中攞出其中一隻香蕉，然後托住龔燁下巴將蕉塞入佢口中說: “死賤精!你同我食蕉連皮啊!問你想食咩就話食我，買雪糕又扯到去手感，你係吾係想死啊?無黎正經!”過左一陣若水終於鬆開，之後雙手交叉於胸前吾理龔燁，龔燁雖然覺得佢嬲起上黎個樣都好得意，但係當務之急都係要𠱁翻若水，所以龔燁拉住佢隻手說: “媽呢空?媽呢空? My fiancée?你吾好嬲啦，咁雪糕可以擺係雪櫃，你想食嘅時候先食囉，又無人叫你一次過食曬，而且我口花花，都剩係會對你一個，絕對吾會同其他人咁講野。”若水臉上嘅表情有所軟化，但依然嘴硬地說:“唓!都吾知你講真定假嘅，我先吾會咁容易比你呃到囉!” 龔燁便繼續順應著說: “我邊敢先呃你啊熊大人，我只係想你吾好因為身材而放棄自己鍾意嘅野啫，反正你都要嫁比我啦，我真係吾介意你肥少少囉。” 若水轉過頭望住龔燁說: “Excuse me?我好似未正式嫁比你喎?” 龔燁搖著她的手，笑著望向戒指說: “但係你已經應承左啦喎，想吾認數啊?其實我只係吾想你瘦得黎又吾健康啫，有陣時食D甜野可以令你會開心D，咁都係一件好事啊!如果你怕肥嘅，咁不如偶然跟我去健身，或者去做瑜伽都OK架，最多我比埋錢你去啊?記住吾好成日將自己困係office同屋企度啊，你應該要學會work-life balance。” 若水點點頭說: “嗯，我明啦，咁我之後再試下邊樣啱我多D，然後放工就去relax下。” 龔燁撥著她的髮絲說: “咁就乖啦，我地依家翻屋企煮飯啦。”然後龔燁幫若水扣好安全帶，再突如其來地吻上她的唇，偷笑著說: “My fiancée，你覺得食蕉連皮好吾好味啊?” 若水內心抓狂，威脅地微笑著說: “死賤精!你係吾係想將剩低嘅蕉都連皮食啊?好!一陣翻到屋企我就成全你!” 龔燁立即扮嚴肅地回答: “吾係吾係，我知錯啦，我地依家即刻翻去。”之後兩人開車離開，回家一齊甜蜜地煮西芹炒魷魚和釀豆腐作為晚餐。