第十三章
泊好車後，若水立即落車，而龔燁則攞左兩枝礦泉水放在背包。二人在山腳下等了5分鐘，卻還未見到Elim和溫遠帆，若水剛想打個電話問下，手機便響了起來，她看了一眼，是Elim的message，Elim話佢地依家係半路中，但塞緊車，叫若水同龔燁先行上山。龔燁面色平靜看著若水，若水被他看得心虛。既然他不出聲，若水便主動地說：“佢地依家塞緊車，叫我同你上山先。” “好啊，咁我地行先。”龔燁回答。
此時天氣微涼，有少許烏雲遮蔽了陽光，不會太曬。他們沿慈云山北巴士總站旁一條樓梯拾級而上，只要步行約20分鐘，便可到達觀音廟。以前若水放工的時候還會去跑下步當做運動，但後來放工時間越來越不規律，加上工作好多時仲要通宵OT，所以之後她寧願早D返屋企爭取多D休息時間。平日裡有食番D保健品補數，OT見客嘅時候都仲覺得自己精力旺盛，身體健康，但今天咁樣行下山先至恍然醒悟，雖然自己不算係弱不禁風，但又不算係好得幾多。龔燁一直同若水保持著兩步的距離走在佢身後，見佢行左一陣就蹲低，便扶起佢眯著笑：“再堅持一陣，好快就到。”若水向著前方看去，臉開始有D白：“仲有咁遠……吾係話好快到咩?” 龔燁憶及往昔:“以前係大嶼山鹿湖，我地一起行上山，但一路到頂都無聽你話過遠架，戈陣時仲無咁好行添，雖然依家係有D陡峭的浮沙碎石路。”而若水真係無力氣再同佢講啦，呼吸有D喘。龔燁見佢咁辛苦：“不如我孭你上去啦，反正咁近。”若水被他戈句“我孭你”嚇了一跳，艱難地咽了下口水，然後拒絕：“我自己可以。” 龔燁只好上前一步，抬起她的頭使兩人互相對望：“好，咁你先深呼吸啦。” 他聲音輕緩，安撫著若水的心，於是若水就跟著他的動作做了幾次深呼吸，呼吸漸漸順暢。之後龔燁在背包拿出礦泉水：“你慢慢飲少少水會好D。”若水喝了水後感覺好左，便一步未停直接到了觀音廟希望減少痛苦，而龔燁一直在她身後防止她跌倒。
山上的景致很好，眺目遠望，能看見茂密的樹林，讓人遠離塵囂。觀音廟內，正殿供奉觀音，左面設有觀音寢室龍床，右面則建有如來殿，對下是大雄寶殿。觀音廟的後方有兩座奇石，一為姻緣石，一為照寶石，據說只要向姻緣石誠心祈求，便能為善信覓得佳偶良緣，從姻緣石的石縫望過去，更能看見將來配偶的樣貌；而同樣地從照寶石的石縫望過去，也能看見日後的財富。
若水很早就已經不再信這些鬼神之說了，但係俗語有話“入廟要拜神”，因此她和龔燁在觀音和大幅經文亭前依然誠心上香，兩個人現在的關係雖然已經定為朋友，但係因為她的心裡藏著龔燁，所以面對佢嘅時候，無法做到心無旁騖。而此刻單獨相處，跪在一起，已經令她手心發汗，目光落在面前的觀音，若水心想，如果觀音能聽到她的祈求，請保佑身旁的他平安順遂，家人身體健康，其餘的信女別無所求。“第一次見你，就係見到你跪係佛像面前，之後又有一次，見到你抄寫經文。” 龔燁突然望向若水，開口道：“後來我再返去大嶼山鹿湖，睇過你供在佛像前的經文，但有好多生僻的字都寫錯。” 若水平靜地：“我無諗過你竟然會見到，戈陣時阿媽病左，無辦法之下我只有咩都試下，第一次拜完之後佢嘅病情有好轉，我以為真係有用，所以我就更加誠心咁抄經文，其實佛經上好多字我都吾識……但到最後，佢都係因為子宮頸癌走左。最後一次上去嘅時候，我真係覺得好吾甘心啊，好多謝你戈日陪我，開解我。”講到最後若水忍不住心痛，淚流滿面。龔燁轉過身來幫若水擦拭淚水：“戈日橫風橫雨，我好擔心你會做傻事或者出左意外無人知，所以偷偷地跟住你。但之後我再上黎，就再無見過你啦。”

第十四章
此時，觀音廟內的正殿愈來愈多人。而若水的情緒一時之間未能平伏，所以龔燁只好輕輕地拉起若水，側擁著她走出去。早上的時候天空明明還有微微的陽光，但現在卻是陰雲密布，天氣其實就如人生一般，變幻莫測。雨，一滴滴落下，更進一步演變成大雨滂沱，龔燁帶著若水到人跡罕至嘅廟後方避雨，之後緊緊地擁抱著若水，緩緩地撫摸著她的頭: “無事架媽呢空，我係度，你吾會係自己一個人。” 若水深深的埋在龔燁的懷裡，開始崩潰大哭。龔燁繼續安慰: “如果你喊出黎會舒服D嘅，我陪你。”同一樣嘅畫面，係10年前一樣發生過。當年，龔燁22歲，在他很小的時候，他的家人就會每年要他到大嶼山鹿湖小住一段時間禪修，以此磨練他的意志。 大嶼山鹿湖因為地方偏僻，上山困難，所以少有人至。有一次，他正走到寺堂找住持之際，見到一個女孩跪在佛像面前誠心祈願，久久都未離去，他心裡在想，她跪了這麼久，一陣該怎樣下山呢?日子過了沒多久，他在上山的途中又看見她了。這次她的表情略帶微笑，不像上次般眉頭深鎖，她不但跪拜佛像，更認真地抄寫經文，而他亦在一旁做著一樣的事，但心神卻在想她究竟發生了什麼事呢?偷偷看了一下她抄的經文，見到最後的落款:熊若水。上善若水，水善利萬物而不爭。最善的人，待人善於真誠、友愛和無私，近於道。她的名字，帶著與世無爭的意思。一段時間過去了，未有再見到她。最後一次見面，他路經寺堂，卻聽見她在對著佛像抱怨: “吾係話心誠則靈架咩，我以後都吾信啦!” 看著她胡亂地走，外面又下著大雨，只好緩緩跟上。在她快要淋雨之際，一隻手把她拉走。他們素昧平生，但在這個孤獨無助一刻，他靜靜地聽著她的哭訴和悲傷，陪伴著她，怕她出意外帶著她下山。他的好，她永遠記得，但她不會再來了。之後，龔燁繼續出國進修，若水在香港讀大學，兩人就此失聯。其實龔燁每年都有到大嶼山鹿湖等若水，但就再無見過。直至2年半前，一次撞見Elim和若水食飯，兩人先再重遇。
若水經過了一場發洩後，心情有所平息。龔燁的手機在響，若水慢慢鬆開龔燁: “你睇下發生咩事。” 龔燁打開手機，見到了溫遠帆的message: “依家落大雨，咁我同Elim就吾上黎直接搭的士走啦。” 龔燁看著若水: “無事，落大雨佢地話吾上黎。”等到雨停了，龔燁拖著若水嘅手: “我帶你落番去下面。”

第十三章
泊好車後，若水立即落車，而龔燁則攞左兩枝礦泉水放在背包。二人在山腳下等了5分鐘，卻還未見到Elim和溫遠帆，若水剛想打個電話問下，手機便響了起來，她看了一眼，是Elim的message，Elim話佢地依家係半路中，但塞緊車，叫若水同龔燁先行上山。龔燁面色平靜看著若水，若水被他看得心虛。既然他不出聲，若水便主動地說：“佢地依家塞緊車，叫我同你上山先。” “好啊，咁我地行先。”龔燁回答。
此時天氣微涼，有少許烏雲遮蔽了陽光，不會太曬。他們沿慈云山北巴士總站旁一條樓梯拾級而上，只要步行約20分鐘，便可到達觀音廟。以前若水放工的時候還會去跑下步當做運動，但後來放工時間越來越不規律，加上工作好多時仲要通宵OT，所以之後她寧願早D返屋企爭取多D休息時間。平日裡有食番D保健品補數，OT見客嘅時候都仲覺得自己精力旺盛，身體健康，但今天咁樣行下山先至恍然醒悟，雖然自己不算係弱不禁風，但又不算係好得幾多。龔燁一直同若水保持著兩步的距離走在佢身後，見佢行左一陣就蹲低，便扶起佢眯著笑：“再堅持一陣，好快就到。”若水向著前方看去，臉開始有D白：“仲有咁遠……吾係話好快到咩?” 龔燁憶及往昔:“以前係大嶼山鹿湖，我地一起行上山，但一路到頂都無聽你話過遠架，戈陣時仲無咁好行添，雖然依家係有D陡峭的浮沙碎石路。”而若水真係無力氣再同佢講啦，呼吸有D喘。龔燁見佢咁辛苦：“不如我孭你上去啦，反正咁近。”若水被他戈句“我孭你”嚇了一跳，艱難地咽了下口水，然後拒絕：“我自己可以。” 龔燁只好上前一步，抬起她的頭使兩人互相對望：“好，咁你先深呼吸啦。” 他聲音輕緩，安撫著若水的心，於是若水就跟著他的動作做了幾次深呼吸，呼吸漸漸順暢。之後龔燁在背包拿出礦泉水：“你慢慢飲少少水會好D。”若水喝了水後感覺好左，便一步未停直接到了觀音廟希望減少痛苦，而龔燁一直在她身後防止她跌倒。
山上的景致很好，眺目遠望，能看見茂密的樹林，讓人遠離塵囂。觀音廟內，正殿供奉觀音，左面設有觀音寢室龍床，右面則建有如來殿，對下是大雄寶殿。觀音廟的後方有兩座奇石，一為姻緣石，一為照寶石，據說只要向姻緣石誠心祈求，便能為善信覓得佳偶良緣，從姻緣石的石縫望過去，更能看見將來配偶的樣貌；而同樣地從照寶石的石縫望過去，也能看見日後的財富。
若水很早就已經不再信這些鬼神之說了，但係俗語有話“入廟要拜神”，因此她和龔燁在觀音和大幅經文亭前依然誠心上香，兩個人現在的關係雖然已經定為朋友，但係因為她的心裡藏著龔燁，所以面對佢嘅時候，無法做到心無旁騖。而此刻單獨相處，跪在一起，已經令她手心發汗，目光落在面前的觀音，若水心想，如果觀音能聽到她的祈求，請保佑身旁的他平安順遂，家人身體健康，其餘的信女別無所求。“第一次見你，就係見到你跪係佛像面前，之後又有一次，見到你抄寫經文。” 龔燁突然望向若水，開口道：“後來我再返去大嶼山鹿湖，睇過你供在佛像前的經文，但有好多生僻的字都寫錯。” 若水平靜地：“我無諗過你竟然會見到，戈陣時阿媽病左，無辦法之下我只有咩都試下，第一次拜完之後佢嘅病情有好轉，我以為真係有用，所以我就更加誠心咁抄經文，其實佛經上好多字我都吾識……但到最後，佢都係因為子宮頸癌走左。最後一次上去嘅時候，我真係覺得好吾甘心啊，好多謝你戈日陪我，開解我。”講到最後若水忍不住心痛，淚流滿面。龔燁轉過身來幫若水擦拭淚水：“戈日橫風橫雨，我好擔心你會做傻事或者出左意外無人知，所以偷偷地跟住你。但之後我再上黎，就再無見過你啦。”

第十五章
兩人落山後，走回到車上。龔燁見到若水有D攰，眼睛都腫了，想讓她早點回家休息，但又想佢食D野落肚先，於是: “不如我車你返去，順便係戈頭附近食午餐啊?” 若水“嗯”了一聲後，便在車上睡著，一路上十分平穩。到了若水公寓附近時，龔燁停好了車，輕搖了一下若水嘅手: “媽呢空我地到啦，去食野啦，媽呢空。” 龔燁感覺到不對，點解佢隻手咁凍嘅?直接搖一搖若水嘅肩膀，都無反應，再摸一摸她的額頭，有點滾燙。龔燁只好立即打電話比自己的家庭醫生，載著若水返自己屋企同醫生會合。
若水這個星期工作都好忙，通宵OT，見客加上開會本來已經讓她沒有足夠的休息，免疫力下降，而剛剛行山又出了汗吹了風，所以現在終於捱吾住病左。回到家後，龔燁先去攞毛巾同探熱計為若水量體溫，一看探熱計竟然高燒到39.3度，若水燒得昏昏沉沉的，完全吾知道發生咩事。抱著若水回到床上，幫她蓋好被，正想去攞冰袋時，若水卻捉著他的手吾放: “吾好走啊，吾要啊……” 龔燁只好輕輕鬆開她的手，安慰道: “媽呢空乖，你等我一陣，好快。”此時亦傳來了門鈴聲，應該係家庭醫生到了。醫生檢查完後講並無大礙，只係休息不足，食無定時，加上吹了風引起發燒。先用物理方法降溫退燒，如果之後再吾退燒就要再打點滴。之後龔燁送走了醫生，坐在床邊，定時為若水換冰袋，量體溫，用毛巾擦汗。但若水迷迷糊糊地一直說著胡話，嘴裡一陣在叫阿媽，一陣在叫著龔燁，又哭又鬧……看到她這個模樣，龔燁的心快要揪成一團，他希望她能敞開心扉，做個開開心心嘅熊若水，不要所有的疼與痛都藏在心底。龔燁摸了摸她的頭，眼神深邃地看著她: “媽呢空，你要記住，不管發生咩事，你都有我陪你。” 母親的離世，對若水的打擊有多大，係龔燁這種從小到大都生長在一個溫暖家庭的人難以想象得到的，他的父母十分恩愛，對他雖然嚴厲但還是明白事理，理解和支持他。
晚上9點左右，若水終於悠悠轉醒，她看到龔燁正盯著她發呆，臉色有點嚴肅。“你醒啦，你知吾知你咁樣會嚇親人。” 龔燁伸手放在她的額頭上，謝天謝地，燒總算退了，不過她的臉色仍然蒼白。他扶著若水坐起來，把外套披上，之後拿了一碗粥入房:“食D粥先啦，啱啱叫左外賣，你應該餓啦。” 若水捉著他的手，微笑著反問龔燁:“你呢?你食左飯未啊?不如你都食……”龔燁此時莫名覺得憤怒，於是打斷了若水要說的話:“熊若水咁你呢?你平時淨係識叫我食飯，你自己都無做到，你憑咩話我?你睇下你自己依家個樣，就黎白過張紙啦。”

第十六章
自從龔燁同Elim“連成一線”之後，兩人就經常交換情報。龔燁好想知道，呢幾年若水究竟過得如何。但聽回來的好似都不是什麼“好事”。當年她母親驟然離世時，若水因為被班主任留堂而趕吾切見最後一臉，本來已經令佢好傷心，後來若水的班主任更同樹根講佢亂搞男女關係，樹根因此而打罵若水，將失去妻子的痛發洩在若水身上。其實事情真相根本吾係班主任所講咁樣，當時屋企情況咁差，若水根本無心情同人風花雪月，一早已經明確拒絕，但戈個人死纏難打，同父母對抗吾肯出國讀書，話要同若水一齊係香港讀大學，而若水的班主任正正係戈個男生嘅姑媽，所以就將全部怨氣撒在若水身上，平日留難算小事，更變本加厲在其他學生面前話佢係妖女。雖然樹根最後知道錯怪了若水，但二人心結已經埋下。上到大學，若水為左吾好增加屋企負擔，自己借學貸，半工讀完成學業，從來未問過屋企攞錢。出到職場以為一切會好轉，但一入職就被講係靠阿爸同大龍生嘅關係，所以若水更加努力地證明自己，腳踏實地，一步一步地向上爬。生意客戶要佢表示誠意，話只要佢飲曬成支清酒就簽約，若水二話不說即刻開始飲，到最後攞住已經簽好嘅合同入醫院洗胃。下屬犯了低級錯誤令客戶生氣，揸車立即離開，若水脫下高跟鞋追了一路，客戶怕了她，只好停車比機會佢再sell過，之後再連續攞了三年的傑出員工獎，同事之間的非議才少了下來。
龔燁吾希望若水逞強，至少在他面前並不需要，吾希望佢淨係關心體諒別人，可以先諗下自己。龔燁知道自己啱啱嘅語氣吾好，於是放輕聲音: “乖啦，聽我話，食D粥先，喂完你我即刻食野。” 若水想攞過碗粥: “我自己黎就得啦。” 龔燁努力平伏下來的怒氣再一次被點燃: “熊若水你究竟諗緊D咩?你究竟想點?”之後龔燁放低碗粥走出房間。若水認為自己十分清楚自己做嘅事，龔燁又吾係自己男朋友，邊可以喂自己，佢已經照顧左自己大半日，麻煩左佢好耐。但係……以後可能吾可以再提醒佢記得食飯，龔燁講得無錯，自己憑咩話佢，自己只不過係nobody……
若水快速食完碗粥，之後整理好床舖，攞好自己嘅野走到客廳，對龔燁講: “今日麻煩左你咁耐，Sorry啊，如果我之後有咩可以幫到你我一定會還比你。因為我聽日仲要翻工，所以我搭的士走先，你記得要食飯啊。”正當若水要離開時，龔燁從後抱著她: “好啊，咁我要你依家即刻還比我。”

第十七章
龔燁關上了門，擁抱著她繼續說: “熊若水你吾通真係無諗過我點解要做咁多野咩?係我做得吾夠好定係仲未夠明顯?既然係咁，我要你由依家開始做我女朋友。” 若水整個人呆住，覺得此情此境好吾真實，回了句: “但係我……” 龔燁立即打斷: “無但係，10年前到依家我都無放低過你，點解依家要我放棄你? 定係你吾鍾意我，所以要拒絕我?” 若水熱淚盈眶，轉過身來望著龔燁: “吾係咁架，我……我真係可以咩?我份人脾氣吾好，而且……我屋企吾係有錢人家，只係小康之家，我地之間差距咁大……” 龔燁捉著她的肩膀不讓她逃避: “媽呢空你聽我講，第一，兩個人相處本來就要互相包容，無人係完美架；第二，我相信我父母會認同我嘅眼光，畢竟我以後嘅另一半要陪我過一生，有錢的而且確係好事，但錢吾會係人一生嘅全部，你要做嘅事就係相信我，相信你自己，吾好咁容易就放棄。” 此時若水卻低下頭垂淚: “但係你吾係已經去左相睇咩?” 龔燁好嬲又好笑，真係多得Elim吾少: “原來你呷醋啊?如果你咁想知點解吾直接問我啊?” 若水沒有回答，但愈喊愈大聲，龔燁知道自己玩大左，趕緊抱住若水: “Elim講你就信，我根本無去，以後亦都吾會去。” 龔燁雙手棒起若水的頭，看著她的眼睛: “你今日喊夠啦喎，依家我都解釋清楚啦，但係你好似未答我你願吾願意做我女朋友呢?” 若水破涕為笑，輕輕拍打龔燁的肩膀: “你好衰架，我吾想理你，你坐係沙發度等我一陣。” 若水拿走枱上嘅外賣行入廚房，龔燁坐在沙發不明所以，原來若水去左加熱外賣，之後拿著筷子和一碟炒麵到龔燁身邊: “你食曬佢，我就應承你。” “好啊，你話架，吾準反口。” 龔燁正想攞過筷子和炒麵，若水嘅手卻向後退: “Sorry啊，你今日照顧左我咁耐，比我喂你食當補數?” 於是龔燁拉近同若水之間嘅距離: “好啊，女朋友。”
在龔燁快要食完嘅時候，若水忍吾住轉身，手蓋著口係度咳，龔燁拍了拍她的背，手再次覆上她的額頭: “媽呢空你好似又有D發低燒喎，等我一陣，好快。” 龔燁走去攞探熱計再為若水量體溫，果然如他所料，只好再去攞醫生處方的退燒藥，再倒了杯水比若水: “媽呢空你啱啱食左粥，快D食藥先，依家都成10點啦你又有D低燒，今晚你就留係度瞓等我可以睇住你”正當若水想要打斷的時候，龔燁無視並繼續講: “仲有，我會叫Elim幫你請一日假休息，既然吾舒服就吾好勉強自己。” 若水仲想要討價還價一番，龔燁卻以略帶威脅的目光看著她: “再講就一日變兩日。” 若水鼓起泡腮表達不滿，龔燁撫摸著她的頭: “乖啦媽呢空，吾好攞自己嘅身體健康去搏，快D去食藥沖涼休息，我去攞我嘅睡衣比你換。”

第十九章
天漸漸光了，陽光為大地帶來溫暖，一掃昨日的陰霾。早上6點半，鬧鐘準時響起，龔燁立即伸手關掉，怕嘈醒若水，看著在自己懷裡的她，平靜安穩。原來，幸福就係咁簡單，10年之後，熊若水終於屬於龔燁。佢希望以後嘅每一日，若水都可以過得快樂，為此，自己一定會盡最大嘅努力，好好地愛佢，保護佢。龔燁慢慢地抽出自己的手，去洗手間洗臉刷牙換衫準備上班，而躺在床上嘅若水隱隱若若聽到水流的聲音，亦醒了過來。此時龔燁返房攞領呔，見到若水坐左起身，於是走到床邊: “媽呢空，你咁早醒嘅? 不如你瞓多陣啦，反正你今日吾洗返工。” 若水微笑地望住龔燁，摸著他的臉: “吾洗啦，我平時返工慣左大概呢個時間起身，瞓吾到啦。係呢，我琴晚會吾會好反瞓，令你瞓吾好啊?” 龔燁捉住若水嘅手，緩緩地道: “無D咁嘅事，我一覺瞓到鬧鐘響先醒，你今日朝早就留係度啦，我中午翻黎陪你出去食lunch，如果身體真係無咩事嘅，收工我再車你返屋企。” 若水點了點頭，之後想起了一件事，快速從床上起來: “死啦你仲未食早餐，我快D去整比你食啊?” 龔燁按停了若水: “媽呢空我自己會去公司附近買架啦，你吾好急啦，我應承過你準時食飯就一定會做到。” 若水看著他的眼睛: “你真係做到至好啊!” 龔燁無奈地說: “睇黎我要用行動證明你先會信我啦，我依家返工先，我地中午見啦。係啦，我屋企密碼係0216，如果你想出去呼吸下新鮮空氣，樓下有個花園，我同左樓下個保安講你可以自由出入。OK?” 若水抱住龔燁: “龔燁，你真係對我好好啊。”兩人靜靜抱左一陣，龔燁怕自己再咁落去真係會吾返工，只好鬆開若水，開口說: “我真係要返工啦，你自己係屋企小心D，Byebye啦媽呢空。” 若水亦回了句Byebye。
龔燁返工之後，若水亦洗臉刷牙，之後打開佢屋企嘅冰箱，先至發現除左酒同礦泉水之外，其他野一律欠奉，真係吾知佢係點生存咁耐，於是若水決定出門“入貨”。此時，佢發現腳邊有野拍佢，低頭一看，原來係年糕。若水抱起年糕，以為佢無野食，但係明明客廳有自動餵食器同水盆，亦有貓砂盆，小玩具啊，於是若水笑住問年糕: “你想要D咩啊?” 年糕心裡表示: “愚蠢嘅人類，我要嘅係零食同罐頭啊，D貓糧本少爺食厭啦!”
若水係龔燁屋企門口截吾到的士，唯有打電話call的，龔燁住嘅地方係半山區，環境比較靜而且治安好，私隱度較高。在若水搭的士出到市中心途中，收到龔燁send黎嘅早餐圖，若水一邊甜笑，一邊回覆: “算你啦!”

第二十章
若水先到街市買各種新鮮的肉類和蔬果，雞蛋，鹹蛋和皮蛋，再到附近的超市幾個玻璃保鮮盒，常用調味料，易熟的素麵和米，途中見到幾款健康的貓咪零食，亦順手買了下來，帶著一袋二袋嘅若水好不容易回到龔燁屋企，倒了杯水比自己，休息左一陣之後，就拉起衫袖開始煮野。幸好廚房裡煮食工具一應俱全，若水打算先煮一些可以存放嘅小菜，等龔燁吾洗次次叫外賣食。佢突然間諗起，琴日龔燁問自己點解吾了解下佢鍾意D咩?其實有關龔燁嘅事，若水都有默默記住。例如龔燁鍾意食橙，吾鍾意西芹，對芒果過敏，有少少鼻敏感。但係佢既然養得貓，咁貓毛應該吾係佢嘅致敏原，好可能係因為日常飲食吾好損傷脾胃，令肺部虛弱，整體免疫力下降而引起。呢D事有D係Elim提起，有D係若水觀察所得，若水希望隨著以後嘅日子，可以更加了解龔燁。若水一口氣整左醬牛肉，涼拌茄子，滷溏心蛋，炒小銀魚等四個小菜，把它們分別倒入玻璃保鮮盒，寫上食用日期，攤涼後放入冰箱，當龔燁肚餓時加熱就食得。之後見離午餐時間尚早，若水就走去同年糕玩，攞出啱啱買嘅貓咪零食，有木天蓼棒，鱈魚絲，年糕見到後兩眼發光，圍住若水打轉，一貓一人玩得不亦樂乎。
差吾多12點嘅時候，若水開始煮午餐，佢吾想龔燁再車佢出去食飯，浪費曬D時間，而且出面D野又有味精，食左都無益。若水整左蒸魚，金銀蛋菠菜同蕃茄牛肉湯，在餸菜裡面加入葱同薑，可解胃寒，減少鼻敏感反應。至於水果方面，橙含豐富維他命C，藍莓護眼。若水希望可以透過飲食，令龔燁嘅身體更加健康，呢個係佢暫時諗到可以幫到佢嘅事。
飯餸快要完成的時候，龔燁亦回來了，手上提著一個大袋，他沒有在客廳看到若水，但聞到一陣飯香，最終在廚房見到若水，她正在忙碌地為他做菜，這種溫暖讓他有家的感覺。若水感覺到後方有物體靠近，以為係年糕，所以開口道: “年糕你乖，我一陣再出黎陪你玩啊。” 但卻聽到龔燁的聲音: “媽呢空，我翻黎啦，我吾係話陪你出去食lunch嘅咩，點解……”若水立即講: “咁我吾想食出面D野啊嗎，而且活動下病都快D好，你出去等一陣，好快搞掂。”之後兩人一齊吃飯，若水開口道: “你試下啱吾啱胃口，吾好食都要誠實D講，咁我先有進步空間。” 龔燁一邊夾餸一邊回答: “吾會啊，真係好食，我以前係外國嘅時候，食西餐食到驚，戈邊D中餐又不倫不類。” 若水笑住講: “唓，都吾知係吾係𠱁我開心嘅，不過如果你鍾意食，我以後一得閒就煮比你食啊?” 龔燁覺得若水咁關心自己，真係好開心，而且佢之後煮比自己食，即係可以多D見面: “好啊。”
食完午餐後，龔燁將一個大紙袋遞比若水: “呢套係買比你換嘅衫，應該啱size……”若水受不了龔燁上下打量嘅目光，臉紅地走入洗手間換衫，之後心諗，佢點知我嘅size架? 換完衫出黎後，龔燁偷笑地說: “睇黎我無買錯。” 若水瞪眼望著龔燁，龔燁走了過來抱住若水: “話曬我攬左你咁多次，手感嘅野呃吾到人……”若水輕輕摙左龔燁條腰一下，心諗佢點解可以臉不改色咁講呢D野?

第二十一章
龔燁陪左若水一陣之後，就趕返公司處理工作。若水抱起在客廳嘅年糕到露台曬太陽，幫佢輕輕地順毛。看著龔燁的車漸漸遠去，若水心中有些不捨，心諗:正一傻佬黎架，明明公司咁多野做，咁忙都仲要返黎屋企陪我，幫我買衫，咁辛苦。但同時亦令若水明白到龔燁有幾在乎自己，重視自己，一般的有錢人只需要用錢就可以令一大班女人為之傾倒，而龔燁卻犧牲最寶貴嘅時間成本，一次又一次咁照顧陪伴自己，能夠擁有佢，係自己一生中最大的幸運。
傍晚7點，龔燁終於在加速下完成工作，但返到屋企卻一片寂靜。打開燈行了一圈都吾見若水，最後終於係茶几上發現若水留下的字條: 龔燁，我自己翻屋企先啦。冰箱裡面有煮好嘅飯同四個小菜，上面有寫低食用嘅日期，一陣你自己叮熱就食得架啦，吾好成日食出面D野!啊!仲有我切左個橙同洗左D藍莓放在係小菜下面戈層，你記得食啊! By:媽呢空 字條落款仲有一個卡通版的女仔頭像，龔燁攞出手機打電話比若水: “媽呢空，你做咩走得咁快吾等我翻黎啊?等我可以送你翻屋企。” 若水有D心虛: “我早D翻屋企準備下聽日返工D野啫，你快D去食飯啦。” 龔燁: “咁你身體依家點啊?如果吾舒服就抖多日?” 若水: “我無事啦，聽日可以返工。” 龔燁: “好啦，但如果有野事記得call我啊。” 若水: “我知架啦，我依家去沖涼先，收線啦。”其實若水之所以自己翻屋企係因為吾想龔燁走黎走去，畢竟照顧左自己兩日仲要翻工，佢吾想龔燁再失去休息嘅時間。另一邊廂，龔燁打開冰箱見到若水準備的一切，將飯餸加熱，然後一邊食一邊望住若水的字條，別有一番滋味。深夜二人各自躺在床上，總感覺到一種失落感，摸了摸床的另一邊，空空如也，經歷了一番思想斗爭，才緩緩睡去。
新的一天開始，尋寶圖眾人都十分關心若水的健康，在若水強調自己無事嘅情況下繼續努力工作，此時，亦有人特別關心若水的“其他狀況”。Elim自若水翻工後就對佢進行嚴刑迫供: “Mary姐，請你好好地解釋一下點解阿龔會叫我幫你請假嘅，吾通你地……究竟上個禮拜日發生左野事？” 若水吾知道點答，吾知道龔燁想公開定係低調處理，只好反問: “咁你同你師父進展如何呢?仲有，好似有人借我黎過橋喎。” Elim心虛地: “我邊夠膽啊，而且呢個係雙嬴嘅局面，黎啦……你地究竟點啫? ” 若水只好回答: “呢個係……不能說的秘密!” Elim見若水守口如瓶，於是掉轉去問龔燁，龔燁好奇若水嘅回答，Elim話若水講呢個係秘密，龔燁心諗，點解媽呢空吾承認佢地係男女朋友嘅關係呢?

第二十二章
這兩天二人的相處怪怪的，雖然有互相send message聊天，但總是一句起兩句止，某程度上更似係“早午晚餐簽到記錄簿”。若水一直在諗究竟龔燁想吾想公開呢?但佢公事繁忙，都係吾好因為呢D小事打擾佢啦，佢對自己咁好，自己亦應該做一個體貼嘅女朋友!於是若水繼續專心埋頭工作。至於龔燁，其實係自己在生悶氣，點解若水吾承認佢地之間嘅關係呢?明明兩日前兩人如膠似漆，彼此間的相處亦很甜蜜，究竟中間發生左咩事?這樣的日子持續左三日後，龔燁終於忍吾住，打算面對面問清楚，於是主動打電話比若水約定今晚一齊食飯，若水知道龔燁得閒約自己食飯，十分開心。
傍晚嘅收工時分，一輛SUV準時在接龍公司樓下出現，若水收拾完文件便匆匆趕住走，令尋寶圖眾人覺得訝異，平日最常OT嘅人今日竟然咁準時收工? 若水見到龔燁架車後立即行過去，而龔燁則幫佢打開車門。放工時間路面一直在塞車，而在上車之後若水望向龔燁，他的臉色一般，好似仲有D攰，吾通係公司有事?於是若水試探地問: “龔燁，你係吾係好攰啊?其實如果你攰就不如早D翻屋企休息啦，吾一定要陪我食飯架。” 龔燁沒有回答，繼續看著前方，若水擔心佢吾知發生左咩事，於是微微傾向龔燁的位置，捉住佢放在扶手上的手: “係吾係公司發生左咩事啊?不如你講出黎啊?究竟邊個咁大膽激嬲我男朋友啊?睇下我之後點收拾佢!” 龔燁望住若水講野時嘅表情，覺得佢真係好可愛，心中的悶氣一掃而空，低下頭直接吻在若水的唇上，然後說: “係啊，有人激嬲左我，不過我已經攞返我應得嘅補償。” 若水整個人呆住，呢個……呢個係佢嘅初吻啊! 龔燁見若水呆左，嘴角微微上揚: “其實我吾介意繼續攞多D架喎。”講完正想繼續吻若水時，若水終於反應過來，輕輕推開龔燁: “你隻死賤精啊，人地係度關心你你竟然玩我，我邊有激嬲你啊?你知吾知呢個……呢個係……我以後都吾理你啊!” 若水之後雙手交叉放在胸前，轉頭望向窗邊。龔燁見若水真係嬲左，只好用力捉住佢隻手: “媽呢空你吾好嬲啦，我吾係有心玩你啊，我係……我係介意點解你吾肯承認我地之間嘅關係，係吾係我做漏左D咩所以你無係Elim面前認啊?” 若水慢慢地望向龔燁: “吾係啊，我……我只係吾知道點答，吾知道你想吾想公開，我驚咁樣會做成你嘅麻煩。” 龔燁轉而和若水十指交叉緊扣，認真地說: “你係我龔燁光明正大嘅女朋友，所以我地吾需要偷偷摸摸，而且我女朋友咁好，有咩吾可以比人知啊?其實你吾洗吓吓都淨係照顧我嘅感受，你自己嘅感受都好重要，我希望我地之間嘅相處係坦誠舒服嘅，吾需要咩都估估下。”若水甜笑地回答: “嗯。”
食完飯之後龔燁送若水返屋企，正當若水要落車講Byebye嘅時候，龔燁叫停了若水，雙手捧住若水嘅頭，輕輕地在她的唇上印上一吻，然後說: “吾知今次你會吾會覺得熟習左D呢?” 若水臉紅地落荒而逃: “我咩都吾知啊! Byebye你隻死賤精!” 龔燁聽到後像個小孩一般在車上傻笑，然後開車離去。翌日中午，若水正在工作的時候，突然有速遞員拿著一束藍色玫瑰和巧克力叫若水簽收，若水攞起花上嘅卡牌，上面寫著:You are my only one. By:你的專屬死賤精 若水先不顧尋寶圖嘅眾人質問，回到自己嘅座位用手機send message比龔燁: “多謝你紮花同朱古力啊!我好鍾意!但係下次你吾好再曬錢係呢D吾等洗嘅野上，我知你對我好就夠啦，愛你!”之後龔燁回覆: “吾係啊我覺得幾抵喎，咁簡單就可以宣示你係我嘅專屬品。” 若水的心跳得很快，細心地諗龔燁何嘗吾係佢嘅專屬品呢?

第二十三章
因為一束藍色玫瑰同巧克力，公司嘅同事基本上都知道若水拍緊拖。作為好姊妹嘅Elim雖然一早感覺到兩人之間的異樣，但佢吾明白點解佢係同其他人一樣時間確認若水真係拍緊拖。所以兩個人一齊係公司食lunch嘅時候，若水一直𠱁Elim: “你吾好嬲啦，乖啦我吾係有心架。” Elim佯裝憤怒: “又話好姊妹喎，咁大件事都吾老實講。” 若水真心地繼續講: “其實我地開始左吾係幾耐，當時又吾知道龔燁想吾想公開，我真係吾想因為呢D小事比壓力佢啊，我吾係有心瞞住你架。” Elim見若水上當，所以忍吾住笑: “我講笑咋!我地好姊妹黎架!係，我係有小小嬲，但係你可以得到自己嘅幸福我當然係戥你開心啦!” 若水見Elim笑翻，放下心頭大石: “你真是吾嬲就好啦，幾驚你吾理我啊。” Elim諗到若水有拖拍，心裡有小小失落: “唉，你以後有左阿龔，咁我就真是要做“孤家寡人”啦。” 若水拉住Elim的手: “梗係吾會啦!你永遠都係我最好嘅朋友黎架，係呢，你戈日同你師父點啊?” Elim有D失望地說: “唉!只可以講仍需努力囉!點解愛情總係有咁多阻礙架?” 阻礙?呢兩個字直擊入若水心房，自己依家雖然同龔燁一齊左，但係以後呢?佢屋企人會點諗呢?會吾會接受佢? Elim見若水無曬反應，用手搖一搖佢膊頭: “喂，你無野啊嘛?” 若水回過神來，搖搖頭: “無……無野啊，係呢，你有無見過龔燁嘅父母啊?” Elim一臉壞笑: “Wow，咁快就關心未來老爺奶奶啦?Auntie同Uncle份人幾nice啊，不過佢地依家長居美國吾係香港喎。” 若水點了點頭: “嗯，原來係咁。” 若水心諗，Elim屋企同龔燁嘅父母係世交，關係咁好，對Elim當然好，但係自己咩都吾係……唉!熊若水!吾好再亂諗啦!你要比D信心自己，比D信心龔燁啊!
與此同時，樹根亦從樹仁，David口中得知若水拍拖嘅事。於是佢決定打電話問一下若水，希望了解一下對方嘅為人，畢竟係自己個女，佢希望若水可以遇到一個對佢好嘅人，吾想佢比人呃。電話通左之後，若水首先開口: “喂，阿爸……你…你搵我有事?”樹根有D吾知點開口，有D尷尬: “二妹，無…無野啊，我只係想問下你呢排點啊，翻工好辛苦啊?前幾日仲請左病假，身體無事啊嗎?”好耐無聽到過自己阿爸咁關心自己，若水覺得好感動，有少少眼濕濕: “我…我無事啊，前幾日有D發燒，食左藥好好多啦。”聽到若水把聲吾算沙，樹根個心都舒服D，呢個女自從10年前開始就成日收收埋埋，遇到咩事都吾講，個個月淨係見到家用人就可能連臉都見吾到，知佢供車供樓辛苦叫佢吾洗又吾聽，有陣時其實樹根都想見多個女幾臉補償佢，但奈何好似一直都無機會講。樹根之後繼續問: “係呢，我聽到你阿叔講你拍緊拖，吾知係吾係真呢? 個男仔……佢對你好吾好啊?” 若水諗左一陣，再回答:“阿爸，佢對我好好，你吾洗擔心，不過我地只係啱啱開始。” 樹根聽到若水咁講，亦吾想比壓力佢，最後只好說: “既然佢對你好，我都放心D，阿爸我吾求咩大富大貴，只係希望你地都可以得到幸福，如果有D咩吾開心，屋企對門永遠都為你打開，如果……如果之後穩定左，就帶翻黎比阿爸睇下啦。” 若水有D膚顯地回答: “阿爸，我知架啦。”收左線之後，若水又繼續諗:以後?以後嘅事太難講得定啦，自己可以做嘅只有把握好現在。

第二十四章
不經不覺，龔燁同若水已經一齊左一個月，快樂嘅時光總係過得特別快。呢一個月裡面，雖然兩個人嘅工作都好忙，但只要一有時間，若水就會幫龔燁定期入貨，然後整各種吾同的餸菜存放係龔燁嘅冰箱，又會上網睇下食譜煲湯比龔燁飲，有一次若水見到有款具預防鼻敏感作用嘅保健湯水--辛夷黃芪補肺湯，就自己研究左好耐再煲比龔燁飲，為此現時若水仲有一本厚厚嘅筆記，寫低左D心得，皇天不負有心人，見到龔燁近期嘅臉色好左，若水就覺得好開心。而龔燁就覺得若水咁樣會吾會太攰啊?成日撲去自己屋企煮飯同照顧年糕，然後又靜靜雞咁自己揸車翻去吾比佢送，雖然可以見多若水一陣好開心，但係自己都想佢休息多D。於是襯住一個月嘅記念日，龔燁決定帶若水去行下沙灘，舒舒服服咁渡過一個美好嘅星期日。
星期日早上，龔燁首先揸車同若水去到中環，再搭新渡輪去長洲，之後慢慢地行到附近嘅觀音灣泳灘，抬頭一看，是日天氣晴朗，二人可以好好地享受藍天與白雲。龔燁同若水沿住海邊散步，若水更除左對鞋係海邊踩水，龔燁見若水玩得咁開心，就攞出手機不斷地偷影若水。若水朝早時因為舟車勞頓而有少少攰，但呢個泳灘遠離塵囂，水質優良，令若水覺得心曠神怡，消除了平日工作時所承受嘅壓力。正當若水轉身要去搵龔燁，就見到龔燁係度偷拍，佢忽然諗起，佢同龔燁好似無咩點影過合照，於是若水悄悄地走到龔燁身邊，但龔燁卻搶先一步說: “媽呢空，我地不如一齊影相啊?留個美好嘅回憶等我地以後可以記住我地一齊嘅一點一滴。” 若水攬住龔燁，點了點頭，之後兩個人一齊影左好多相。太陽快要下山，龔燁見臨近傍晚，就拖住若水準備走去搭新渡輪返中環，感覺到佢隻手有D涼，龔燁就除左件外套，打算披嘅若水身上，若水見狀即刻話吾洗，但龔燁嘅語氣卻有D強硬，手上繼續幫若水整理衣服: “乖，聽話啦媽呢空，你吾記得你上次病左有幾辛苦啦?”若水聽完後只好作罷。當兩人就黎行到碼頭時，若水因為吾小心踢到一舊石頭而仆親，龔燁立即扶起佢，溫柔地問: “你係吾係好痛啊媽呢空?無事啊嗎?”但若水一聲痛都無講過，是但拍一拍右邊嘅膝頭，望住龔燁講: “我無事啊龔燁，你睇下。” 之後更係佢面前跳兩下扮無野，龔燁見到佢好似無事，但依然吾放心，於是將若水半擁在懷中，一隻手扶住若水，另一隻手環住若水嘅腰，慢慢地行去搭新渡輪返中環食晚飯。
龔燁今日訂了一間位於中環嘅西餐廳，包左一間房想靜靜地同若水慶祝，比一個驚喜佢，係食到最後上甜品嘅時候，梳乎厘同雪糕嘅旁邊寫住: “ 一個月拍拖記念日快樂! 媽呢空 ”落款亦有一個卡通版嘅男仔，若水見到之後，眼淚不斷地流，今日一整日龔燁都無提起過，佢以為龔燁吾記得左，但原來佢係記得嘅， 龔燁一邊幫若水抹眼淚，一邊講: “我點會吾記得呢個重要嘅日子啊媽呢空，話曬我追左你咁耐，希望以後嘅每一日，每一個月，每一年，我都可以係你身邊，聽到你叫我死賤精。吾好再喊啦，再喊就吾好睇啦。” 若水聽完呢一番告白，眼淚更加停吾到，龔燁為左止住佢嘅淚水，於是一下子抱住若水，拉近兩人之間的距離，然後吻上了若水的唇，舌尖緩緩地撬開了齒門，探索著每一個角落。良久，龔燁慢慢停下，而若水則因為怕醜而將臉埋在龔燁懷裡。
龔燁同若水準備行去攞車返屋企嘅時候，若水終於開始忍吾住左邊嘅膝頭上嘅傷所帶黎嘅疼痛，佢雖然一直強顏歡笑，保持正常嘅步履，但額頭上一直滲著汗。龔燁覺得若水有D奇怪，但佢又吾出聲，突然想起若水啱啱跌低係吾係整親邊到呢? 龔燁於是愈行愈急，剛開始時若水仍然好努力跟上，但最後卻在一次提起左腳向前行時吾小心“ 啊”了一聲。龔燁默默地看著若水啱啱嘅動作，但實在吾忍心，只好蹲低身捲起若水左邊嘅長褲，拉到接近膝頭嘅時候，褲同膝頭嘅皮膚好似黏住左咁，若水更加用力地吸氣呼氣，龔燁吾敢再拉，怕整傷若水，只好用公主抱嘅方式抱起若水，但臉上就掛著“生人勿近” 嘅怒氣，低頭望住若水講: “熊若水，我返到屋企再收拾你。”

第二十六章
“現時氣溫12度，相對濕度百分之31，未來幾日天氣寒冷，大家記得做好防寒措施，今日嘅天氣就講到呢到，我地聽日再見。”正在屋企收睇天氣報告的若水嘆了口氣，抱起了年糕，望著窗邊，冷風颼颼，自言自語地問: “年糕啊?吾知你主人依家點呢? 哈爾濱戈邊一定好凍啦，佢食左晚飯未啊?”一個星期前，龔燁臨時要去哈爾濱出差，因為戈邊嘅公司出左D問題要處理，所以若水就帶左年糕去自己屋企。臨近聖誕同元旦，若水今年難得有8日大假，本來想同龔燁一齊過節，但依家睇黎都無咩可能。年糕掙脫開若水嘅懷抱，又想走去沙發度爬上去魚缸到捉金魚，若水見狀只好將魚缸係自己房間，關好門令年糕入吾到去，然後走去問年糕: “你係吾係餓啊?我去攞貓糧比你食啦?”正想走去攞貓糧時，手機響起，若水立即折返攞起手機: “喂? 龔燁?” 龔燁聽到若水把聲，心中一暖: “係啊，媽呢空你今日點啊?” 若水: “我今日幾好啊，你呢?公開無野啊嗎?你食左飯未啊?” 龔燁: “無野，依家係合併緊啫，汁埋D手尾就OK啦!我已經叫左外賣，一陣就食飯。” 若水: “咁都好D，你記得注重保暖啊，天氣又凍左啦。” 龔燁: “嗯，我知啦。係呢，聽講你好似放大假喎，點解我吾知嘅?” 若水心諗Elim呢個二五仔又出賣我啦! 若水: “咁…咁你忙緊我咪吾想左你囉，而且放假都可以做自己野，汁下屋抖下，而且仲有年糕呢，我都要幫你好好睇住佢架。” 龔燁: “我好掛住你啊媽呢空。” 龔燁突如期來嘅一句令若水的心跳得很快，臉紅地回了句: “我都好掛住你啊，龔燁，如果可以見到你就好啦。你再吾翻黎我D金魚就黎變貓糧啦。” 龔燁聽到“扑”一聲笑了出來，自從上次事件之後，若水變得比以前直率坦白，雖然仲有進步空間，但吾好似之前咁連受傷都吾肯講，於是龔燁回答: “我都話左你吾好咁就比佢呃架啦，話曬佢嘅主人係我喎。” 若水有D無言: “係啦係啦，只叻係你啦。” 龔燁嘗試套路若水: “其實又吾係無辦法嘅，你求下我囉，叔叔我幫你拆掂佢。” 若水扮嬲: “死賤精啊，我拆你個死人頭啊!” 龔燁大笑完一輪後繼續講: “我講笑咋媽呢空，不過我都想早D見到你，不如咁啊，我訂機票比你，你飛過黎啊，然後我地再一齊去玩下啦?” 若水聽到之後其實都有D心動，但係龔燁工作咁忙，若水真係吾想煩佢，於是打算借年糕過橋: “但係年糕呢，佢點算啊?都係吾好啦。” 龔燁: “我聽日叫溫遠帆去你到攞年糕咪得囉，以前我出差都係放係佢度。” 若水正打算諗其他藉口，龔燁繼續講: “就咁決定啦媽呢空，我地之後見!我依家食飯先，費是比人罵，Byebye啦。” 若水在收線後，獨自在沙發上傻笑。
翌日晚上7點，溫遠帆去到若水屋企樓下，若水提著年糕: “吾好意思啊要麻煩你照顧年糕幾日。” 溫遠帆微笑著: “係我吾好意思就真，平時都要麻煩你照顧Elim。” 若水認真地回答: “Elim係我嘅好姊妹，我又大佢幾年，照顧Elim係應該嘅，但係有D事，解鈴還需繫鈴人，希望你可以對佢好D。” 溫遠帆一陣苦笑，禮貌地回答: “祝你同阿燁玩得開心D，我走先啦。”

第二十五章
龔燁因為若水嘅傷心裡焦急，所以只好用最快嘅速度車若水返去自己屋企，一路上若水都吾敢出聲，佢好驚龔燁會鬧自己，停車後龔燁抱起若水，若水則雙手環在龔燁嘅膊頭，入到屋企，龔燁放低若水係沙發，然後走去攞藥箱，拉起若水嘅長褲到接近膝頭嘅位置，因為傷口已經滲出組織液，所以要用生理鹽水一邊沖洗一邊慢慢拉開，若水覺得又嗱又痛，又吾敢叫出聲，淚水不斷地湧出，龔燁見到佢咁痛，心裡面都吾好受，於是同若水講: “我吾該你痛就叫出黎啦。”然後繼續手上嘅動作，終於掀起到長褲時，左邊嘅膝頭已經發炎，龔燁攞出碘酒幫若水消毒傷口，之後貼上親水性嘅敷料。而若水就愈諗愈覺得委屈，其實自己都係吾想佢擔心，所以先吾打算講，真係吾係有心呃佢，明明今日係開心嘅一個月拍拖記念日，依家大家竟然搞成咁，於是終於忍吾住大聲咁喊左出黎。龔燁以為整親若水，立即問佢: “ 媽呢空我係吾係整傷左你啊? ” 若水依然喊，龔燁只好出言安慰: “ 媽呢空你吾好喊啦，你究竟覺得邊到痛啊? ” 若水喊到有D抽搐，斷斷續續咁講: “龔燁，你…你係吾係…係吾係以後都吾理我啦?我…我…我真係吾係有心呃你架。你可吾可以…吾好吾理我啊?我…我真係好驚你吾再理我啦!”之後若水直接撲入龔燁懷裡喊，緊緊地抱住佢吾放。龔燁輕輕地拍住若水嘅背，心諗:傻妹黎嘅，我點會真係吾理你啊?但係你以後可吾可以對我坦白D呢? 若水因為喊到開始攰，於是情緒亦慢慢地平伏落黎。龔燁慢慢咁鬆放若水，望住佢問: “咁你以後仲夠吾夠膽呃我啊吓?我係你男朋友黎架!我永遠都係你可以依靠嘅對象啊，你明吾明啊?” 若水點了點頭: “我以後吾會架啦!你原諒我啊，吾好嬲我啊?” 龔燁見若水係誠心道歉，亦都吾再為難佢: “好!今次我當無數，但係我吾要再有下次，OK?而且，你仲有無邊到覺得痛啊?” 若水點了點頭，然後說: “無啦，我其他地方無事。” 龔燁睇一睇個鐘，原來已經10點半，於是同若水講: “你依家快D去沖涼休息，聽日我再車你翻工啦。我幫你貼左親水性嘅敷料，所以濕左水都吾怕，而且我之前買左幾套睡衣同出街衫比你，就放係我衣櫃，諗住比你隨時換架。” 若水聽到龔燁為佢做左咁多，真係覺得龔燁實在對佢太好，所以繼續攬住龔燁吾放，龔燁以為若水誤會自己仲嬲，於是拍住若水嘅背講: “我真係無嬲啦，你吾洗咁樣黎討好我喎。”但係若水講: “咁你係我男朋友黎架!我攬你吾需要理由架喎。”
龔燁沖完涼出黎，見到若水已經係床上瞓著左，但係眼依然有少少腫。走上床輕輕地抱住若水放入懷中，在她的唇上落下一吻。龔燁心諗，以後自己一定要令若水嘅臉上多D笑容，至於眼淚，則希望永遠都不屬於佢。

第二十七章
經過7個小時，若水終於到達哈爾濱太平國際機場，而龔燁亦一早過黎機場準備接若水。若水等緊行李嘅時候，突然有人係佢後面掩蓋著她的雙眼，然後問: “估下我係邊個?” 若水聽到呢個熟悉的聲音，立即轉身抱住龔燁，而龔燁扶穩若水嘅腰，怕佢跌低，“媽呢空你有無掛住我啊?搭完機會吾會好攰啊?” 龔燁溫柔地問。若水搖頭，更深地埋在他的懷裡，感受著他的氣息: “我吾攰，仲有，我好掛住你啊。” 龔燁聽到後微笑，緩緩地鬆開了若水，拖住她的手: “我地依家去攞行李先，然後再一齊食D野。” 若水甜笑地回答: “好啊!”
攞完行李食了晚飯後，龔燁載住若水回到自己的公寓，畢竟以前公司的重心在哈爾濱，所以龔燁亦有在此置業。公寓的風格和香港嘅屋企差吾多，只係浴室中多了一個浴池。龔燁見時間吾早，於是同若水講: “我地聽日一早出發去玩，所以你不如早D沖涼休息，抖足精神啊?” 若水有D猶疑，然後問: “但係你聽日吾洗翻公司咩?其實我……”龔燁打斷了若水: “公事永遠都係做吾完架，而且我已經分配好D野比下屬去處理，所以吾洗擔心，OK?你依家要做嘅就係乖乖聽話沖涼休息，然後我地聽日去玩。” 若水點點頭，摸了一下龔燁的臉，輕輕地在龔燁唇上落下一吻，龔燁見若水咁主動，便順勢按著她的頭，加深了這一吻，直到若水快要喘不過氣來，龔燁才停下抱住若水，但懷中的人卻在亂動，龔燁只好抱得更緊，對若水說: “媽呢空你吾好亂郁，比我抱一陣……” 若水感受到他劇烈嘅心跳，明白龔燁正在忍耐自己嘅欲望，見到佢咁尊重自己，若水覺得好感動。良久，龔燁放開了若水，讓她先去沖涼。二人完成洗澡後一起睡在床上，因為若水係機上休息左一陣，所以今日龔燁竟然比若水早瞓著，若水看著他的臉龐，覺得佢好似瘦左，心裡有點不捨。
翌日早上，若水換好衫帶好手套準備同龔燁出發，但此時龔燁卻攞出了一早買好嘅channel紅色頸巾，圍在若水的脖子上: “今日天氣好凍，要注意保暖啊。” 然後拖住若水出門口。佢地今日要去嘅係亞布力滑雪場，由於離市中心比較遠，所以龔燁讓平日負責接送的司機車佢地去，而自己則同若水坐係後座。由於早上好早起床，在平穩嘅車速下，若水覺得有D眼瞓，龔燁見狀便將若水抱入懷中，輕撫著她的頭髮: “如果攰就瞓一陣啦，到左我再叫你。” 若水在龔燁輕柔的撫摸下，慢慢瞓著左。