TVB外購劇《繁花》由知名電影人王家衛執導及擔任監製,劇集在TVB更是內地以外全球首播的第1站,並已定檔於下月黃金時段播出。不過昨日(21日)TVB公布劇集播出的更多消息後,網民隨即將焦點擺在不設廣東話配音上,更紛紛留言怒轟TVB唔尊重觀眾……
繁花|不設廣東話配音惹眾怒
TVB昨日公布《繁花》將以設有雙聲道,不過則是普通話為主聲道,上海話為次聲道,並未設廣東話配音播出。不少網民隨即留言怒轟TVB唔尊重觀眾:「係TVB冇資源,定係呢套叫做繁花嘅劇唔值得有廣東話配音?」、「冇粵語配音的外購劇,我寧願睇82台TVB Plus好過」、「沒配音,駛Q睇你無綫咩」、「完全唔尊重香港觀眾」、「香港電視台都唔用返廣東話?」
繁花|網民踢爆TVB「講大話都唔識」
對於《繁花》不設廣東話配音一事,網民除咗留言鬧爆後,更有人踢爆TVB「講大話都唔識」:「《繁花》以上海話拍攝,上海話至係原版。所以《繁花》擺無記(TVB)播,第一聲道應該係上海話,第二聲道應該搵廣東話配音至係啊,因為香港播。」
網民更續指:「上網睇咗而家廣播節目規定,中文台可以播唔超過廣播時間10%嘅普通話節目,字面理解啫係1日24小時播放就可以有唔超過2.4小時嘅普通話。所以上海話唔可以攞第一語言。但又好認同你既然普通話都係配都係唔原汁原味都可以配,點解王大導又唔俾配粵語呢。」
繁花|冇廣東話配音全因1原因
TVB表示《繁花》劇本以上海話撰寫,劇中演員在拍攝時亦是全程以上海話為主進行拍攝。而導演王家衛為了呈獻最原汁原味的版本,因此最後在TVB播出的版本只設有上海話以及普通話聲道。不過就有網民指出:「比起普通話,真心粵語感覺會更接近上海話。而家真係開咗個好壞嘅先例」,對劇集於黃金時段播出但不設廣東話配音表示失望。