粤语粗口拾趣（学术讨论，对粗口反感者请自觉勿进）

1.歇后语  
同上面方式完全相反嘅做法，就系讲一啲听起上嚟好似无关痛痒嘅词语组合，但实际上系大有文章嘅粗口歇后语。一啲比较常见嘅例子有：  
岸上嘅海鸥  
头尾两个字系「岸」同「鸥」，缩短咁读就变咗「岸鸥」，即系谐音咗嘅「戆尻」。  
亚婆跑步（又可以话「亚婆走佬」）  
歇后语即系「老西都走」，要即刻走佬、几大都闪咁解。  
童子军跳弹床  
歇后语就系「Scout 弹」，直译嘅粤语谐音就系「是尻旦」，属於中西合璧嘅典范。  
夜观星象  
歇后语系「眺那星」，即系「屌那星」嘅谐音。  
唐餐变西餐  
即系话「多嚿鱼」，即系「多尻余」嘅谐音。  
法国大餐  
亦都系解「多嚿鱼」，谐音同上。  
2.打油诗  
以下要介绍嘅一首谐音打油诗更加系街知巷闻，佢曾经辑录喺已故才子黄霑嘅名作《不文集》里头，亦曾经俾香港着名艺人周星驰所主演嘅电影《唐伯虎点秋香》采用成为对联比试嘅一幕戏。一路以嚟嘅版本唔止一个，不过以哩个版本最为工整：  


冚家铲泥齐种树  
汝家池塘多鲛鱼  
鱼肥果熟嫲捻饭  
邀你老母替下厨  
诗嘅意境好有乡情，好有农家生活嘅扑素味道，但系心水清嘅人已经听得出当中其实已经将一啲粗口字词巧妙咁融入喺每一句之中。例如将「冚家铲」融入成为全家一齐铲泥嘅意思，「多尻余」嘅谐音就变咗有好多鲛鱼，「麻捻烦」嘅谐音就变成阿嫲喺度煮饭，最后将「屌你老母」嘅谐音变身成邀请你嘅妈妈代替下厨煮餸。可以利用几个粗俗词语嘅谐音，加上文学嘅串演，成为粗中带幼嘅一篇七言诗，真系够哂雅俗共赏。  
3.取材外国语言嘅读音，将佢哋直译变成粗口嘅谐音，可谓过瘾之极。比较抵死嘅例子有：  
「荷兰银行支票」   ：系将英文嘅”Holland Bank Cheque”直译，读音同「好捻笨柒」近似。  
「荷兰月亮」   ：”Holland Moon”嘅直译，读音近似「好捻闷」。  
「荷兰拥趸／荷兰风扇／荷兰饭」   ：”Holland Fan”嘅直译或者译音，读音近似「好捻烦」。  
「澳门朋友」   ：”Macau friend”嘅直译，读音同「麻尻烦」近似。  
「澳门海」   ：”Macau Sea”，读音近似「乜尻事」。  
「唔好拖延」   ：直译自英文嘅”Delay No More”，读音近似「屌你老母」。  
「咖啡色」   ：哩个词语嘅泰文读音近似「是捻旦」。  
「村长骑牛背」   ：据闻话哩个句子嘅泰语读音近似「咁捻奇捻怪」。  
「福建大学」：译做英文就系”Fook Kin University”嘅缩短”Fook'n U”，系”‮kcuF‬ing you”嘅谐音。


广东人真的是好聪明啊!
我从心底里佩服!

http://www.comti.com.cn/xcantonese/index.html
痴线!痴线!
GuangZhouHuaCuKouYanJiuWang

http://tieba.baidu.com/f?kz=555272870
救命啊,唔转啦,我发现广东人先系真正嘅聪明人,连粗口都闹得有文化过人哋!