歌手鄭俊弘（Fred）與何雁詩（Stephanie）2017年公開戀情後，爆出唔少負面新聞，不過佢哋都捱過咗仲愈嚟愈甜蜜，啱啱踏入2020年新嘅開始，佢哋就喺社交網公布喜訊，宣布佢哋結婚，互相扶持走出困局，真係恭喜晒！
Fred留言：「Husband to be! I’m very excited!（即將做老公，心情好緊張！）」而Stephanie就留言：「bride to be（即將做新娘）。」睇嚟佢哋都係影咗婚紗照，不過確實成婚日期就未公布。唔少圈中好友都有留言祝福同恭喜佢哋。
而鄭俊弘所屬的星夢唱片老闆何哲圖表示不知道兩人結婚：「如果結咗都會話我聽，我冇睇佢哋嘅IG，係咪開咩Party玩咋？佢哋成日開party，（Fred有冇講過結婚？）佢有講過呢1、2年囉，等我問下先。」