模特兒黃佩霞與藝人張智霖(Chilam)老友鬼鬼,趁Chilam今日係46歲正日生日,黃佩霞甫出攬實Chilam的照片,並祝兄弟生日快樂,惹來不少網友大呼羡慕,她說:「呢張係N年前嘅合照,佢忙到不得了,同佢好耐冇見喇,不過我傳咗訊息祝佢生日,佢都有回覆。」
而Chilam自己都有喺Facebook上載咗張着上特別訂造黑色T-Shirt嘅相,件衫上面印住August(8月),加上張智霖嘅出生年份1971年,仲寫埋46歲係最正嘅開始。相中張智霖留咗少少鬚,一手插袋向下望,真係型到裂!唔知件衫咁有心思,係咪老婆袁詠儀同仔仔魔童嘅禮物呢?張智霖好sweet咁寫上:「謝謝各位的祝福,今天很快樂。」