下月一歲生日 鍾嘉欣愛女Kelly 愈大愈似媽咪
2017.07.07
【明報專訊】靚媽鍾嘉欣去年8月誕下囡囡Kelly,看着囡囡成長,她感到開心。早前她返港透露Kelly已識企、好好玩。Kelly下月一歲生日,嘉欣昨日在社交平台上載囡囡站立的照片,Kelly穿著藍色裙仔,一隻手扶着欄,望着鏡頭張大口仔,眼仔睩睩好可愛,愈大愈似媽媽。
鍾嘉欣留言向女兒作出愛的宣言,她說無論照顧Kelly幾攰幾辛苦,又被扯頭髮,進食時搞到好混亂,她都永遠愛Kelly,囡囡是她自己的一切。網民感受到她的母愛,讚囡囡似她一樣靚女。
文﹕娛樂組

仍未夠一歲的Kelly穿著藍色裙仔,望着鏡頭張大口仔,眼仔睩睩超可愛,更愈大愈似媽媽

鍾嘉欣表示無論照顧囡囡有幾攰幾辛苦,自己都會永遠愛Kelly。(資料圖片)
生果
鍾嘉欣B女企得穩
2017.07.07

■鍾嘉欣(小圖)囡囡Kelly下月便1歲,已站得好穩陣。
鍾嘉欣去年8月為脊醫老公Jeremy生下囡囡Kelly,一家三口在加拿大生活,嘉欣今日又返港出席活動賺奶粉錢,新手媽咪鍾嘉欣好享受親子樂,她表示會記錄囡囡一切,包括她幾時識叫Mum Mum(媽咪)和DaDa(爹哋)。
鍾嘉欣不時會在Instagram分享囡囡成長趣事,昨日就貼出下月便一歲的Kelly已懂扶着圍欄站立相,鍾嘉欣感觸留言:「即使自己抱到手攰手軟、即使囡囡扯自己頭髮,食嘢嗰陣搞到一塌糊塗,但都依然咁愛佢錫佢。」Kelly越大越靚女,當然是媽咪心目中的寶貝。
撰文:楊定
东方
鍾嘉欣囡囡美麗基因大爆發
2017.07.07
藝人鍾嘉欣(Linda)上年8月生了囡囡Kelly後,長期留在加拿大照顧囡囡,雖然不時亦見嘉欣回港出席活動,但愛女心切的她一切仍以囡囡為重。粉絲想見嘉欣一面都要望穿秋水,幸好她不時在社交網上載自己和囡囡的合照,以解粉絲相思之苦。
昨日,嘉欣上載了囡囡Kelly的最新靚相,快將滿一歲的Kelly眼大大嘴細細,紮起頭髮,着上花裙,可愛度爆燈,和以往嬰兒時期的樣子不大相同,愈大愈似媽咪,盡得嘉欣真傳!
母愛滿瀉
而嘉欣看到囡囡萌爆樣亦感慨地留言,表示即使雙手因為抱囡囡而又攰又痛,頭髮又經常被囡囡拉扯,食飯時又會弄到一塌糊塗,更經常捱眼瞓,但囡囡依然是嘉欣的所有和最愛,簡單幾句道盡所有新手媽媽的心聲。不少網民都留言表示十分感動,又大讚Kelly靚女,似足媽咪!
文:專案組

鍾嘉欣

差不多一歲的Kelly,已懂得自己站立。

Kelly兩個多月大時,樣子仍似足爸爸。

Kelly愈大愈可愛,美人胚子出晒嚟。

原來嘉欣小時候的樣子與愛囡亦有幾分相似。