**********

- Қашанғы айтам саған, мына топас шопырыңды жұмыстан шығар деп! Бүгін осымен үшінші рет – аварияға түсіріп, мені өлтіре жаздады! – деп кемсеңдепті әйелі.
- Жә енді, бұл жолы болмаса, келесі жолы болар, жұмыс істеуге тағы бір мүмкіндік берейік те… – депті күйеуі ықылассыз…

**************

…- Ох, қазір уақыт машинасы болса, е? Мына жаман қытайдың сағаттарын толтырып алып, 1970 жылдарға барып сатып, сосын одан түскен ақшаны долларға айналдырып, осы заманға қайта әкелсек ғой, шіркін…
- Ой құрысыншы! Одан да – қағаздар көбейтетін емес, заттарды көбейтетін ксерокс ойлап табылса ғой! Бір кесек алтынды алып, күндіз-түні, күндіз-түні көбейтер едік, шіркін, а?
- Оу, министр мырзалар, экономиканы дағдарыстан алып шығуға басқа қандай жоспарларыңыз жоқ па?…

*******************

Қараңғы көше. Беймезгіл жүрген біреуге бұрыштан қарақшы пышақпен тап беріп:
- Ақша бар ма ? – деп тиіседі. Анау да сөмкесінен балта суырып алып:
- Ақша бар ал, оны не істейін деп едің? – депті.
- Ой жақсы болды ғой! Бес мыңдық ұсатып бермес пе екенсіз? – депті пышақ ұстаған қарақшы…