冲縄（うちなあ）んかいや凑川人（んなとぅがあんちゅ）「隼人の祖から分かれた部分」はじみ縄文人んでえ、かあま昔（んかし）から住（し）どをる人んちゃあぬ居（をぅ）たん。やしが、歴史的ねえ、でえじな一时（いっとぅちゃ）ぬ间（ゑえだ）なかい日本祖语ぬ覆（うす）てぃちゃん。琉球方言ぬ日本祖语から分かりてぃちゃる时期（じしち）にちいてぃ、外间守善氏や、「歴史的出発点を二、三世纪から六、七世纪顷、方言化への倾斜を十一、二世纪顷」（『冲縄の歴史と文化』）やんでぃさあい、『冲縄语辞典』（国立国语研究所）や、「纪元后あるいは纪元前の浅い世纪」んでぃ书ちょをん。むしか、「本土に弥生式文化が広まるはるか以前に分岐した言语がこれほど似ているとは考えにくい」（同书）からやん。日本祖语、持（む）ち込（く）でぃちゃる人んちゃあぬ琉球弧んかいぬ移动やようい一时小（いっとぅちゃぐぁあ）どぅやたる。国郡制ゆ定みたる律令体制（六八九年）までぃなかいや、琉球弧や、きっさけえ忘（わし）りらっとをたん。琉球国や律令国家んかい组み込（く）まらんたるばすやん。日本祖语や、南岛语（オーストロネシア语）とぅ混んちゃあないがちい、琉球语化しいちゅん。琉球弧うとをてぃぬ言语ぬ大（うふ）変わいぬくしんかいあたしえ何（ぬう）がやたら。
卑弥呼ぬ世、「邪马台国连合の歴史は、偶然というにはあまりにも密接に、中国や朝鲜の歴史の起伏に対応している」（『日本国家の起源』（井上光贞）。同书がいいくる引用すぬ「（皇室による）东方五十五国、西の众夷六十六国、海北九十五国の平定」ぬ物语（むぬがたい）や、日本国家が形作てぃいちゅる过程や、戦（いくさ）びけん重（かさ）にとをたる世（ゆ）やたるくとぅ物语とをるむぬやん。あんしうにいんじ、鉄（かに）资源ゆ确保すぬくとお、今ぬ世んじえ、核ゆ持っちゅるくとぅとぅ同（い）ぬむんやん。鉄ぬ产地やたる南鲜かきゆるたみぬ戦ん行（うくな）わりたん。东アジアや、大憅乱とぅ大移动ぬ世やたるばす。「四世纪后半の（略）大规模な朝鲜経営の结果、多数のいわゆる帰化人が日本に土着した」（同书）。くぬ时代（じでえ）んじ琉球弧んかい、寄てぃ返（けえ）らち、来（ち）ゃる人んちゃあがるアマミキヨ族（南九州人んでえ）お、あらんがあたら。
全国ぬ平定うちなち、国内体制ぬ充実しいちゅるばす、大陆んでえ朝鲜半岛ん、むる落てぃ着ちいんじゃん（近世んじ列强ぬ进出なかい揺り起くさりいるまでぃ、长えさる停顿ぬ始まいんやたん）。琉球语化や、日本语ぬ影响受き强さあいという意味なかい、日本国内ぬ「安定を必要」とした。
あんしいねえ、「日本祖语」んでえ、ちゃぬゆうなむぬがやたら。答（くて）えに変（け）えてぃ、うぬ书物（しむち）、なあひん引用さな。「邪马台国のころ（略）、弥生式文化の伝来とともに、（略）朝鲜南部の言语が日本の岛にもち込まれた」。