【小龍女重遇楊過】57歲陳玉蓮見番55歲劉德華:佢Okay嘅!
宣萱、陳玉蓮今日到尖沙嘴出席一間葡國餐廳開幕禮,宣萱話老闆係佢前鄰居,所以今日係以友情價到場。不過,宣萱都話香港少咗剪綵活動:「外地多啲,開餐廳呢啲做飲食生意,責任感要好大。之前做過果汁店,都係淨係負責宣傳。就算做飲食產品代言人,都要小心同做功課。」
宣萱話,一般合作都好開心,只係試過喺大陸開工嗰陣,不時要做合約上冇要求佢做嘅嘢。宣萱坦言,依家要一腳踼擔任自己經理人,終於明白點解經理人要收咁貴,而用WhatsApp傾價錢可避免尷尬。
另外,近日經常出席公開場合的陳玉蓮表示近日都係喺大陸做慈善工作,佢話:「因為地方太大,要幫助嘅家庭好多。今次返嚟已經探過劉德華,佢okay嘅。佢都出嚟見過大家,多謝大家關心。」
宣萱今日出席剪綵活動,佢話老闆係佢前鄰居,所以今日係以友情價到場。 陳玉蓮話近日都係喺大陸做慈善工作:「因為地方太大,要幫助嘅家庭好多。」