演喊戲被定型 陳玉蓮恨拍喜劇好耐
藝人陳玉蓮出席傷健協會活動,透露近9年均在內地參與慈善活動,即使今次在港亦是慈善為首,她謂:「香港我有幫兩個慈善機構嘅,其中一個係日日落區派飯,但因為我時間唔啱就冇落區。」行色匆匆的她更指活動後便要揸車北上,為明早於內地的慈善活動作準備,蓮妹表示新年前才到窮困戶派發過年物品,如今再次前往。
談到已很久沒有參與電視劇,問到有否心癢癢想拍劇?蓮妹不諱言一直想再拍劇,亦有內地及香港劇本斟洽,奈何天時地理未能配合,更謂:「劇本唔啱,我好想拍喜劇,但過往好多時拍喊戲,畀人定晒形象,其實我會搞笑、講笑同自嘲,所以朋友睇到我演喊戲就會笑,話我平時都唔係咁。」