以下是粤语原文,粤语真是好鬼生动啊:
果阵我大住个肚,1个人响中环某商场行街突然见晕扶住幅墙,刚刚哥哥行过(我估佢唔系去shopping就系约左唐唐),哥哥见我晕晕地扶住我(搅到我晕晒大浪),又帮我拾跌响地下d野,跟手问我要唔要去医院,我话唔驶,佢仲帮我打电话比我老公叫佢快d黎接我,仲扶左我去一间名店,同dsales讲我唔舒服比我坐低休息下等我老公黎,临走仲问多我一次有冇事,系咪真系唔驶去医院?如果要去佢可以车我,我话唔驶喇,麻烦你唔好意思,佢就话:咁你小心d喇,下次唔好一个人行街喇,大住个肚有咩事冇人响身边好危险嫁,byebye喇,你记住等埋你先生黎先好走呀.走完冇耐就有2个secu黎,话张先生刚刚同佢地讲有个大肚婆响xx名店好晕坐低休息紧,要等屋企人黎接,麻烦佢地黎照顾我一阵.令我感慨既系女女出世2个月之后佢就......唉.....
我成日都谂起佢曾经帮过素未谋面我... 哗,完全冇巨星既架子,我晕果阵d OL呀,西装友全部弹开9呎,好似我有传染病咁,我真系好感动呀,最可惜系...哥哥打电话比我老公系冇来电显示既- -,呵呵 佢真系好好人,我从来都冇谂过,当日只有佢出手帮我,一边用一只手扶住我,问我企唔企得稳, 一边乌低身帮的执番个手袋同袋刚刚买既BB衫,仲好紧张又问我要唔要去医院,我话唔驶去医院,佢又叫我比屋企人电话佢,佢要叫佢地黎接我,去间名店途中(虽然我估大约10步8步左右),佢系冇放开过只手,1只手扶我行,一只手揸住我D野,仲话晕可以埃住佢,我到而家呢一刻都好感动.好想多谢佢
PS:题外话:我老公一到就问我头先打比佢位先生响边,佢想多谢佢,我话走左喇,跟住到我好番D时同佢讲,果个系哥哥黎,佢都话估唔到,最好笑系老公话点解冇来电显示嫁,等我借D E打比佢讲多谢嘛=.=
我睇完哥哥果段, 好感动. 立即讲比我老公听. 我叫佢估个男人系边个, 佢以为系D清洁工人OR劳动阶层人士, 我话唔系呀, 系天王巨星, 身骄玉贵既哥哥, 我老公都话好感动, 谂起哥哥一个大好人, 可惜患病...搅到我眼湿湿..
哥哥都系好痛苦 才会用结束来得到解脱,哥哥咁好会上天堂 Alice 说: 哥哥个保险经纪系我老细个下属,听D同事讲佢果时成日上嚟探佢个Agnet, 哥哥仲成日响Office度帮手听电话,可惜果阵我仲未入呢间公司。
哥哥真系好好架!读书时期放学系中环见到佢,咁啱我朋友系条路道企唔稳,跌一跌,佢即刻扶住我朋友,仲同我地笑,好开心呀!
我唔系哥哥的FANS, 不过我对佢印象好好. 佢以前成日去南华会打BADMINTON, 我见过佢几次. 次次都好NICE, 你眼定定望著佢, 佢会同你笑, 永不黑面. 佢去左KAM耐, 有时我突然间会想起佢, 觉得好可惜. 个心有D痛.
哥哥呢..拍异度空间既时候..见到佢真人..真系好令仔呀..又NICE喎...但好可惜..呢部戏竟然系佢人生最后既一部戏...好唔开心...当中我见到佢都仲同好多人有讲有笑呀..但点解佢会咁谂唔开呢,,,, 愿哥哥到另一个既世界都开开心心...永远怀念佢.....