《正识第一》加深了马仔的主持形象
在新剧《当旺爸爸》中,马仔饰演一名只顾揾钱的小市民
冇负担另一个关键——以我分析,是他多年来只管做自己的份内事。
马仔带点激动地说:「我唔会为咗达到一个目的或理想,而去做啲所谓不择手段嘅事!我咁早出嚟社会做嘢,十七岁入朗**sales卖教科书,十九岁入田氏化工,廿一岁时,一年已经帮公司赚二千几万生意,我点会唔知商场嘅黑暗?你要我奸,我唔系唔识呀,你估我系一个天真烂漫嘅十六岁小男孩咩?我唔做啲枱底嘢,系因为我做唔落咋!呢个系我几自豪嘅事!
「我就嚟四十岁,我唔想咁大个人先去做一啲第日会内疚、觉得对人唔住嘅事,我够胆讲,我冇对过任何人唔住,我个头几时都可以抬得咁高,有冇人需要我低下头、觉得惊呢?sorry,到依家都冇!但有冇人见到我,会觉得对我唔住呢?我谂会有罗!所以我到今日对住任何人,我都冇负担o架!我觉得我依家咁样舒服咪得罗!」
在演艺圈打滚这麼久,应该也可以找传媒朋友帮手宣传宣传,增加个人知名度吧!「我到依家每次出到去啲大型记者会,我都会周身唔聚财!除非去到撞到啲啱倾又熟嘅朋友,如果唔系,我又系自己戆居居!啲传媒朋友,成日都叫我唔好咁闷棍,但我本身个人就系咁,好惊讲咗啲嘢会得罪人,所以变得好闷。我又唔识埋堆、唔识social,我承认系几食古不化!」