[忽然一周第757期]妈咪姐手帐 阿佘独撑
拍剧当日其实天色阴暗,但阿佘有理冇理,一停机,第一时间攞把遮出嚟。
眨吓眼 TVB头号一姐阿佘,已经唔再系姐仔,而系大姐啦!成三张几嘢面对冲紧埋嚟嘅大班后浪,都咪话唔担心。但系做呢行捱更抵夜又食无定时,连个正常啲嘅美容觉都冇乜几何瞓到,真系容乜易残!所以近排忙到飞起嘅阿佘无论落雨好天,都担住把遮。早几日阿佘喺九龙城寨公园拍《公主嫁到》,当时天阴阴一啲阳光都冇,但阿佘一唔使埋位就担住把遮,保住白嫩肌肤最要紧。护肤之外,阿佘仲刻意保持心境开朗?,点保持?就系无时无刻带住部手机,一有时间就抽个电话出嚟,细声讲细声笑。至於边个系阿佘嘅神秘「心理医生」,?得佢咁开心?妈咪姐只可以话,一定系雄性动物罗!